नवी मुंबई : नवी मुंबई परिवहनच्या बसचा पास वापरणाऱ्या विद्यार्थ्यांना एनएमएमटी प्रशासनाने मोठा दिलासा दिला आहे. मासिक पासवर एका दिवसात कितीही वेळा प्रवास करण्याची मुभा विद्यार्थ्यांना यापुढे मिळणार आहे. यामुळे एनएमएमटीचे पासधारक वाढतील आणि त्यातून उत्पन्नातही भर पडेल, असा विश्वास परिवहनने व्यक्त केला आहे.
नवी मुंबईत एनएमएमटीसह बेस्टच्या बसही धावतात. बेस्टकडूनही विद्यार्थ्यांना मासिक, त्रैमासिक पासची सुविधा दिली जाते. एनएमएमटीची स्पर्धा ही बेस्टसोबतच आहे. एनएमएमटीचे प्रवासी आपल्याकडे खेचण्यासाठी बेस्टच्या वतीने विविध उपक्रम राबवून सवलती दिल्या जात असतात. त्यामुळे काही दिवसांत एनएमएमटीचे प्रवासी बेस्टकडे वळू लागले आहेत. त्यातच एनएमएमटीच्या बसचा पास वापरणाऱ्या विद्यार्थ्यांची संख्या दिवसेंदिवस कमी होत आहे. यामुळे परिवहनच्या उत्पन्नावरही परिणाम होत आहे. त्यामुळे या विद्यार्थ्यांना पुन्हा आपल्याकडे वळवण्यासाठी नवी मुंबई परिवहन उपक्रमाने विद्यार्थ्यांना दिल्या जाणाऱ्या मासिक बसपासवर दिवसातून कितीही वेळा प्रवास करण्याची मुभा दिली आहे. यासह अन्य काही सवलतीही विद्यार्थ्यांना दिल्या जाणार आहेत.
नवी मुंबईत एनएमएमटीसह बेस्टच्या बसही धावतात. बेस्टकडूनही विद्यार्थ्यांना मासिक, त्रैमासिक पासची सुविधा दिली जाते. एनएमएमटीची स्पर्धा ही बेस्टसोबतच आहे. एनएमएमटीचे प्रवासी आपल्याकडे खेचण्यासाठी बेस्टच्या वतीने विविध उपक्रम राबवून सवलती दिल्या जात असतात. त्यामुळे काही दिवसांत एनएमएमटीचे प्रवासी बेस्टकडे वळू लागले आहेत. त्यातच एनएमएमटीच्या बसचा पास वापरणाऱ्या विद्यार्थ्यांची संख्या दिवसेंदिवस कमी होत आहे. यामुळे परिवहनच्या उत्पन्नावरही परिणाम होत आहे. त्यामुळे या विद्यार्थ्यांना पुन्हा आपल्याकडे वळवण्यासाठी नवी मुंबई परिवहन उपक्रमाने विद्यार्थ्यांना दिल्या जाणाऱ्या मासिक बसपासवर दिवसातून कितीही वेळा प्रवास करण्याची मुभा दिली आहे. यासह अन्य काही सवलतीही विद्यार्थ्यांना दिल्या जाणार आहेत.
आतापर्यंत विद्यार्थी मासिक बस पास योजनेत विद्यार्थ्याला घर ते शाळा व शाळा ते घर या मार्गावर दिवसातून एकदाच बस प्रवास करण्याची सवलत आहे. मात्र आता मासिक बस पासमध्ये असलेले हे एका फेरीचे बंधन काढून टाकले असून, दिवसातून कितीही वेळा विद्यार्थ्यांना बसप्रवास करता येणार आहे. विद्यार्थ्यांना एकाच दिवशी कॉलेज, वाढीव तासिका, क्लास यासाठी बसप्रवास करावा लागतो. पासवर दिवसभर प्रवास करण्याची सुविधा मिळाल्याने त्यांना आता वारंवार तिकीट काढावे लागणार नाही. हे फायदेशीर होणार आहे.
ही बसपास सवलत नवी मुंबई महापालिका क्षेत्रातील विद्यार्थ्यांना लागू आहे. मासिक पास योजनेमध्ये दिवसातून शाळेत ये-जा करणे, जादा तासिका आणि शिकवणीसाठी सवलत असणार आहे. हा बसपास ‘नो पंचिंग’ असणार आहे.
एसी बसमध्ये प्रवासाची मुभा
नवी मुंबई महापालिका क्षेत्रातील काही बसमार्गांवर पूर्णपणे वातानुकूलित बस चालवण्यात येत आहेत. त्यामुळे सर्वसाधारण बसच्या तिकीट दरानुसार मासिक बस पास शुल्क आकारून वातानुकूलित बसेसमध्ये प्रवास करण्यास मुभा यापुढे विद्यार्थ्यांना देण्यात आली आहे. नवी मुंबई महापालिका क्षेत्रातील सर्व विद्यार्थ्यांना वयाची २५ वर्षे पूर्ण होईपर्यंत मासिक बस पास योजनेची सवलत घेता येणार आहे, असे परिवहन व्यवस्थापक योगेश कडूस्कर यांनी सांगितले.
एक प्रियकर एक पती आणि ३ जणांना दिली हत्येची सुपारी; सेक्ससाठी पत्नीने सोडल्या सगळ्याच मर्यादा