ब्लॅक कोब्रा
विशेष म्हणजे नागपंचमी आणि महाशिवरात्र हे सण महाराष्ट्रात मोठ्या भक्तिभावाने साजरे केले जातात. या दोन्ही सणाच्या दिवशी या कोब्रा नागाचे खूप महत्त्व असते. या गोष्टीचा फायदा घेत मध्यप्रदेश, उत्तर प्रदेश, हरयाणा व इतर भागातून गारुडी नागाच्या विष ग्रंथी काढून किंवा तोंड शिवून अवैधरीत्या हे नाग महाराष्ट्रात घेऊन येतात. ठीक ठिकाणी खेळ दाखवून व धार्मिक गोष्टींचा आढावा घेऊन पैसे कमवतात. मात्र त्यामुळे हे कोब्रा नाग जास्त दिवस जगत नसल्याने पर राज्यातून आलेले गारुडी हे कोब्रा नाग येथेच सोडून जातात. हा कोब्रा नाग असाच गारूड्याने सोडलेला असल्याची माहिती वॉर फाउंडेशनचे प्राणीमित्र रोमेश यादव यांनी दिली. या कोब्रा नागाला पकडण्यासाठी अनुराग लोंडे, योगेश कांबळे, पार्थ पाठारे, मंदार सावंत, रेहान मोतीवाल यांनी शिताफीने पकडून या कोब्रा नागाला कल्याण वनविभागाच्या ताब्यात दिले. हा कोब्रा नाग साडेपाच फूट लांबीचा आहे.
शेतकऱ्यांनी अर्धा राज्य महामार्ग केला बंद! डोंबिवली बदलापूर पाइपलाइन रोडवरील वाहतुकीला फटका
दुसऱ्या घटनेतील इंडियन कोब्रा जातीचा नाग कल्याण पश्चिम भागात असलेल्या एका देवळात घुसला होता. या नागाला पाहून मंदिरातील भक्तांनी बाहेर धूम ठोकली. त्यानंतर मंदिरात नाग शिरल्याची माहिती सर्पमित्र दत्ता बोंबे यांना भक्तांनी दिली. माहिती मिळताच सर्पमित्र दत्ता बोंबे हे मंदिरात दाखल होऊन त्या इंडियन कोब्रा नागाला शिताफीने पकडले आणि पिशवीत बंद केले. नाग पकडल्याचे पाहून भक्तांनी सुटेकचा निश्वास घेतला.बीअर घेण्यासाठी आला, दुकान मालकाचा ७० हजारांचा मोबाइल घेऊन पळाला; डोंबिवलीतील घटना
हा नाग इंडियन कोब्रा जातीचा असून साडेतीन फूट लांब आहे. या कोब्रा नागाला कल्याण वन विभागाच्या अधिकाऱ्यांच्या परवानगीने निर्सगाच्या सानिध्यात सोडून दिल्याची माहिती सर्पमित्र दत्ता बोंबे यांनी दिली. बदलत्या हवामानामुळे विषारी-बिनविषारी साप मानवी वस्तीत भक्ष्याच्या शोधात शिरत आहेत. त्यामुळे मानवी वस्तीत साप दिसल्यास तातडीने सर्पमित्रांशी संपर्क साधावा, असे आवाहन सर्पमित्र दत्ता बोंबे यांनी केले आहे.