दरम्यान, शेतकऱ्यांकडून हा रस्ता बंद केला जात असताना या ठिकाणी एमआयडीसी अधिकारी आणि पोलिसही उपस्थित होते. याबाबत एमआयडीसी अधिकाऱ्यांना विचारण्यात आलं. आम्ही या प्रश्नाबाबत आमच्या वरिष्ठ कार्यालयाला कळवलं आहे. लवकरात लवकर या प्रश्नावर तोडगा काढला जाईल, अशी प्रतिक्रिया एमआयडीसीचे उपअभियंता विजय शेलार यांनी दिली. त्यामुळे आता तरी हा प्रश्न सोडवायला एमआयडीसीला जाग येईल का? हे पहावं लागेल.

काय आहे मूळ प्रकरण…..

डोंबिवली बदलापूर पाइपलाइन रोडवरील बारवी धरण पाणीपुरवठा योजनेसाठी एमआयडीसीने शेतकऱ्यांच्या जागांचे भूसंपादन केले होते. वसार गावातील शेतकऱ्यांची जमीनही यामध्ये भूसंपादित झाली होती. शेतकऱ्यांना जमिनीच्या मोबदल्याची आगाऊ रक्कमही शासनाकडून देण्यात आली होती. मात्र एमआयडीसीने भूसंपादनासाठी मंजूर केलेली जमीन संपादीत न करता दुसरीच जमीन संपादीत केली, अशी तक्रार वसार गावातील शेतकरी नरेश वायले यांनी केली आहे. एमआयडीसीने भूसंपादित केलेली जमीन व शेतकऱ्यांची खासगी जमीन दोन्ही भूखंडावर एमआयडीसी आपला हक्क सांगत आहे. यामुळे शेतकऱ्यांना त्यांच्या खासगी जमिनीचा काहीही वापर करता येत नसल्याने त्यांची अडचण झाली आहे. खासगी जागेवर व्यवसाय करण्यासाठी एमआयडीसी अधिकारी निधी मागत असल्याचा आरोपही वायले यांनी केला होता.

बीअर घेण्यासाठी आला, दुकान मालकाचा ७० हजारांचा मोबाइल घेऊन पळाला; डोंबिवलीतील घटना
भूसंपादन झालेली जमीन एमआयडीसीला देण्यास आम्ही तयार आहोत. मात्र खासगी जमीन शेतकऱ्यांना परत देण्यात यावी, अशी मागणी शेतकरी करत आहेत. या मागणीकडे एमआयडीसी अधिकारी लक्ष देत नाहीत. याविषयी शेतकरी शासन स्तरावर पाठपुरावा करीत आहेत. अंबरनाथ येथील उप अधीक्षक भूमि अभिलेख कार्यालयानेही एमआयडीसीला पत्रव्यवहार केला आहे. एमआयडीसी पाइपलाइन व रस्त्याची वहिवाट यातील भूसंपादन नोंदणी नकाशात तफावत असल्याचे आढळून आल्याचा अहवाल दिला आहे. तशी मोजणी नकाशाची प्रतही एमआयडीसी कार्यालयास भूमि अभिलेखाकडून देण्यात आली आहे. वायले यांच्याप्रमाणेच येथील आणखी शेतऱ्यांच्याही खासगी जमिनीवर एमआयडीसीने अतिक्रमण केले आहे. एमआयडीसी अधिकारी याकडे गांर्भियाने लक्ष देत नसल्याची तक्रार वसार गावातील शेतकरी करत आहेत.

गेली अनेक वर्षे शेतकरी यासाठी लढा देत आहेत. मात्र त्यावर निर्णय होत नसल्याने भूमिपुत्रांना व्यवसाय करण्यात अडचणी निर्माण होत आहेत. शेतकऱ्यांची सहनशीलता आता संपली आहे. पावसाळ्यात या महामार्गाची दुरावस्था झाल्याने पावसाळ्यानंतर एमआयडीसीने या रस्त्याची डागडुजी काम हाती घेतले होते. वसार गावाच्या हद्दीत मात्र रस्त्याची डागडुजी करण्यास गावकऱ्यांनी विरोध केल्याने या भागातील रस्त्यााची दुरावस्था कायम आहे. आधी आमच्या जमिनीचा प्रश्न सोडवा नंतर महामार्गावरील खड्डे बुजवावे, अशी भूमिका शेतकऱ्यांनी घेतली होती.