या घटनेत गुलाबसिंग बिलाले यांच्या ५ शेळ्या, तारासिंग बिलाले यांच्या ३ शेळ्या, लटु बिलाले यांची १ अशा एकुण ९ शेळ्या मृत्युमुखी पडल्या असल्याची माहिती मिळाली आहे. दरम्यान शेवटचे वृत्त हाती आले तोपर्यत प्रशासनाकडुन घटनास्थळी पंचनाम्याची प्रक्रिया सुरु होती. मुक्ताईनगर उचंदे येथील पशुवैद्यकिय अधिकारी डॉ प्रशांत लोढे यांनी घटनास्थळाकडे तातडीने धाव घेत मृत शेळ्यांचे शवविच्छेदन केले.
पाहा थरारक VIDEO; धावती ट्रेन पकडताना घसरला पाय; रेल्वे पोलिसाने वाचवले वृद्धाचे प्राण
गेल्या काही दिवसांपासून जळगाव जिल्ह्यात कडाक्याच्या उन्हाने नागरिक होरपळून निघाले होते. आज सकाळपासून ढगाळ वातावरण असल्याने ऊन सावलीचा खेळ सुरु होता. त्यामुळे नागरिकांना काहिसा उकाड्यापासून दिलासा मिळाला. सकाळच्या सुमारास जिल्ह्यात काही गावांमध्ये अवकाळी पावसाने हजेरी लावली. तर पुन्हा सायंकाळच्या सुमारास वातावरणात अचानक बदल झाला व वादळी वारा सुरु होवून काही ठिकाणी अवकाळी पावसाने हजेरी लावली.
मन सुन्न करणारी घटना! पत्नीने आत्महत्या केल्याचे पतीने केले जाहीर, मात्र पोलीस चौकशीत धक्कादायक सत्य उघड
अवकाळी पावसामुळे शेतात कापूस ठेवलेला गहू यासह विविध पिकांचे नुकसान झाल्याचा अंदाज व्यक्त होत आहे. तर दुसरीकडे याच अवकाळी पावसाने शेळ्यांचा बळी घेतल्याचेही बोलले जात आहे.