बाथरुम तुंबलंय सांगून प्रियकराला कटवलं, सँडविचवाल्यालाही गंडवलं; रिंपलने एकटीनेच आईच्या मृतदेहाचे तुकडे केले?

त्यादिवशी जयंत अजमेरा रात्री ८ वाजता काम संपवून घरी आले. त्यांनी घराची बेल वाजवली तेव्हा चेतना अजमेरा यांनी दरवाजा उघडला नाही. त्यामुळे जयंत अजमेरा दरवाजा उघडून आतमध्ये गेले. तेव्हा जयंत अजमेरा यांना त्यांनी पत्नी चेतना या सोफ्याच्या बाजूला जमिनीवर पडलेल्या दिसल्या. त्या रक्ताच्या थारोळ्यात होत्या. चेतना यांचा गळा धारदार शस्त्राने चिरण्यात आला होता आणि त्यांच्या डोक्यावरही जखम दिसत होती. जयंत अजमेरा यांनी न्यायालयात दिलेल्या माहितीनुसार, चेतना यांच्या मृतदेहाशेजारी त्यांच्या किचनमधील एक सुरी पडली होती. यानंतर जयंत अजमेरा यांनी बिल्डिंगच्या सेक्रेटरीला फोन करून सर्व कळवले. सेक्रेटरीने पोलिसांना पाचारण केले, त्यानंतर चेतना अजमेरा यांना रुग्णालयात नेण्यात आले. रुग्णालयात डॉक्टरांनी चेतना अजमेरा यांना मृत घोषित केले.

Lalbaug Murder: आईचे दोन्ही हात ॲसिडमध्ये टाकले, आग लावली पण घरात प्रचंड धूर झाला; रिंपलचा प्लॅन कसा फसला?

घरातील हिऱ्याचे दागिने गायब

जयंत अजमेरा यांनी पोलीस आणि न्यायालयात दिलेल्या माहितीनुसार, पत्नीची हत्या झाल्याचे लक्षात येताच घर तपासले तेव्हा त्यांच्या घरातील दागिने गायब झाले होते. यामध्ये कानातले दागिने, घड्याळ आणि हिऱ्याने मढवलेल्या बांगड्यांचा समावेश होता. ९ मे २०१२ रोजी जयंत अजमेरा पोलीस ठाण्यात गेले होते. तेव्हा पोलिसांनी सांगितले की, चेतना अजमेरा यांची हत्या तुमच्या घरात पूर्वी काम करत असलेल्या अशोक पुरोहित आणि हेमंत मणेरिया या दोन स्वयंपाकींनी केली आहे. हत्येच्या तीन महिन्यांपूर्वीच अजमेरा यांनी अशोक पुरोहित याला कामावरुन काढून टाकले होते. अशोक पुरोहित कामावर नीट येत नसल्याने चेतना अजमेरा यांनी एक-दोनदा सुनावले होते, असे जयंत अजमेरा यांनी न्यायालयासमोर सांगितले होते.

चेतना अजमेरा यांच्या हत्येनंतर १० महिन्यांनी मुंबई पोलिसांनी अशोक पुरोहितला राजस्थानमधून अटक केली होती. तर महेंद्र सिंग राठोड, शामलाल सोनी आणि हेमंत मनेरिया यांना राजस्थान, मध्यप्रदेश, दिल्ली, उत्तर प्रदेश आदी राज्ये पालथी घालून पोलिसांनी शोधून काढले होते.