कोल्हापूर: विरोधकांचा इतिहास काढला तर केवळ बेईमानी आणि फितुरीच हाती लागेल, यांच्या हातात सत्ता गेली तर उद्या सभासदांना कारखान्यात येण्या-जाण्यासाठी टोल भरावा लागेल, अशी उपरोधिक टीका अमल महाडिक यांनी केली. करवीर तालुक्यातील वडणगे परिसरातील राजाराम कारखान्याच्या सभासदांच्या गाठीभेटी आणि बैठका माजी आमदार अमल महाडिक यांच्या उपस्थितीत पार पडल्या. सभासदांच्या कल्याणासाठी नेहमीच प्रयत्न करणाऱ्या महादेवराव महाडिक आणि संचालक मंडळावर विरोधक खालच्या पातळीवर जाऊन टीका करत आहेत. पण टीका करणाऱ्यांची उंची जनतेला माहिती आहे, अशा शब्दात अमल महाडिक यांनी विरोधकांवर टीकास्त्र सोडलं.
पंचायत समिती सदस्य इंद्रजीत पाटील यांनीही विरोधकांना चांगलेच धारेवर धरले. राजाराम बंधाऱ्याच्या नवीन पुलाचे काम थांबवून ज्यांनी शेतकऱ्यांची अडचण केली आहे, तेच आज शेतकऱ्यांचे कैवारी म्हणून घेत आहेत. या पुलाचे काम वेळेत पूर्ण झाले असते तर वडणगे परिसरातील शेतकऱ्यांना ऊस वाहतुकीसाठी मोठा फायदा झाला असता. पण प्रत्येक कामात आडवे पडणाऱ्या माजी राज्यमंत्र्यांमुळे हे काम पूर्णत्वाला जाऊ शकले नाही. ऊस उत्पादक शेतकऱ्यांची आडवणूक करणाऱ्यांना या निवडणुकीत सभासद जागा दाखवतील, असा विश्वास इंद्रजीत पाटील यांनी व्यक्त केला.
राजाराम कारखान्याला गिळणाऱ्यांना धडा शिकवा: सतेज पाटील
पंचायत समिती सदस्य इंद्रजीत पाटील यांनीही विरोधकांना चांगलेच धारेवर धरले. राजाराम बंधाऱ्याच्या नवीन पुलाचे काम थांबवून ज्यांनी शेतकऱ्यांची अडचण केली आहे, तेच आज शेतकऱ्यांचे कैवारी म्हणून घेत आहेत. या पुलाचे काम वेळेत पूर्ण झाले असते तर वडणगे परिसरातील शेतकऱ्यांना ऊस वाहतुकीसाठी मोठा फायदा झाला असता. पण प्रत्येक कामात आडवे पडणाऱ्या माजी राज्यमंत्र्यांमुळे हे काम पूर्णत्वाला जाऊ शकले नाही. ऊस उत्पादक शेतकऱ्यांची आडवणूक करणाऱ्यांना या निवडणुकीत सभासद जागा दाखवतील, असा विश्वास इंद्रजीत पाटील यांनी व्यक्त केला.
यावेळी बाजीराव पाटील इंद्रजीत पाटील, डॉ. किडगावकर, दिलीप पाटील, शहाजी पाटील, तानाजी पाटील, प्रशांत तेलवेकर, बाजीराव पाटील, उमेश पाटील, शरद पवार, गणपतराव जाधव, पंडित चौगुले, नामदेव परीट, सुभाष पाटील, दीपक पाटील, सर्जेराव पाटील यांच्यासह सभासद शेतकरी मोठ्या संख्येने उपस्थित होते.
राजाराम कारखान्याला गिळणाऱ्यांना धडा शिकवा: सतेज पाटील
राजाराम सहकारी साखर कारखान्याची यंत्रणा वापरून याठिकाणचा ऊस बेडकिहाळ येथील स्वतःच्या खासगी कारखान्याला नेला जातोय. ही प्रवृत्ती राजाराम साखर कारखाना गिळंकृत करू पाहत आहे. या घातक प्रवृत्तीला रोखा, असे आवाहन आमदार सतेज पाटील यांनी केले होते. तर दुसरीकडे सतेज पाटील गटाच्या २९ उमेदवारांना पोटनियमाचे कारण पुढे करत अपात्र ठरविण्यात आले होते. यामुळे पाटील व महाडिक गटातील संघर्ष वाढला आहे.
थांबायचं नाय, गड्या थांबायचं नाय… २९ उमेदवार अपात्र केल्यावर बंटी पाटील इरेला पेटले!
ज्यांनी शेतकऱ्यांच्या चुलीत पाणी ओतण्याचे काम केले तेच आज शेतकऱ्यांचा कळवळा असल्याचे ढोंग करत आहेत. कुणीही कितीही विरोध केला तरी छत्रपती राजाराम सहकारी साखर कारखान्याचा विस्तार होणारच, असे माजी आमदार अमल महाडिक यांनी म्हटले होते.