फिल्मी स्टाईलने १ कोटी लुटले
तासगाव पोलिसांनी तातडीने या घटनेची नोंद घेतली असून शोधासाठी पथके रवाना केली आहेत. सदर व्यापारी हा नाशिक येथील असून सध्या दत्तमाळ येथील गणेश कॉलनीत राहत आहे. सदर व्यापाऱ्याच्या स्कार्पिओ गाडीला चोरट्यांनी आपली गाडी आडवी लावत त्याच्या गाडीतून सुमारे १ कोटी रुपये असलेली रोख रक्कमेची बॅग चोरट्यांनी लुटली.
सुमारे सहा ते सात जणांनी द्राक्ष व्यापाऱ्याला लुटल्याचे सांगण्यात येत आहे. सदर घटनेला तासगाव पोलिसांनी अधिकृत दुजोरा दिलेला आहे. घटनास्थळी पोलिस अधिक्षक बसवराज तेली दाखल झाले आहेत. पोलीस पुढील चौकशी करत आहेत.