सातारा : राज्यात सर्वत्र बैलगाडा शर्यती सुरु आहेत. बैलगाडा शर्यत प्रेमी मोठ्या उत्साहानं शर्यतींचं आयोजन करत आहेत. बैलगाडा मालक आणि शर्यत प्रेमी मोठ्या संख्येनं स्पर्धांना हजेरी लावताना दिसतात. राज्यात यात्रांचा हंगाम सुरु झाल्यानं त्या निमित्तानं देखील स्पर्धा सुरु झालेल्या आहेत. मात्र, काही ठिकाणी अप्रिय घटना घडत असल्याचं समोर आलं आहे. सातारा जिल्ह्यातील माण तालुक्यातील शिरताव येथील ग्रामदैवत भैरवनाथ यात्रेनिमित्त बैलगाडा शर्यतीचे आयोजन करण्यात आले होते. बैलगाडी शर्यत पाहण्यासाठी आलेल्या वळई (ता. माण ) येथील दाजी गणपती काळेल (वय ६२) हे बैलगाडा शर्यत पाहायला आले होते. मात्र, बैलगाडीची धडक बसून ते ठार झाले.
माण तालुक्यात गुढी पाडव्यापासून गावोगावच्या ग्रामदैवताच्या यात्रांचा हंगाम सुरु झाला आहे. दोन दिवसांपासून शिरताव येथील भैरवनाथ ग्रामदैवताची यात्रा सुरु आहे. या यात्रेत बैलगाडा शर्यतीचे रविवारी भैरवनाथ केसरी बैलगाडी स्पर्धेचे यात्रा कमिटीने आयोजन केले होते. एक आदत एक बैल, एक दुजा एक बैल अशा शर्यती ठेवण्यात आल्या होत्या. त्यासाठी विजेत्यांना तीन हजार ते ५१ हजार रुपयापर्यंत बक्षीस ठेवण्यात आले होते.
कामं झाली तर श्रेय तुमचं अन् रखडली तर जबाबदारी इतरांची?; शिवेंद्रसिंहराजेंनी उदयनराजेंना पुन्हा डिवचलं
बैलगाडा शर्यत पाहण्यासाठी दाजी काळेल हे वळई येथून संतोष या मुलांसमवेत मोटरसायकलवरून आज दुपारी शिरताव येथील यात्रेस आले होते. बैलगाडा शर्यत पाहताना दाजी काळेल यांना आज सायंकाळी पाचच्या सुमारास या शर्यतीमधील बैलाची धडक बसल्याने ते गंभीर जखमी होऊन मृत झाल्याची घटना घडली. या घटनेची अकस्मात नोंद झाली आहे. तपास म्हसवड पोलिस ठाण्याचे सपोनि राजकुमार भुजबळ करीत आहेत.
आमदार राहिले बाजूला, बीडकरांचा ‘रुबाब’, धंगेकरांचं डोकं फिरलं, थेट बैठकीबाहेर पडले!