अनिकेत बाबरे हा महाविद्यालीन शिक्षण घेत असून शनिवारी त्याचा शेवटचा विज्ञानाचा पेपर होता. पेपर देऊन रंगपंचमीचा आनंद घेण्यासाठी निघालेल्या अनिकेतचा रविवारी दुर्दैवी मृत्यू झाल्याने सोलापुरात हळहळ व्यक्त होत आहे.

मित्रासोबत पोहायला गेलेला अनिकेत परतलाच नाही!

मित्रासोबत पोहण्यासाठी गेलेल्या अनिकेतचा पाण्यात बुडून मृत्यू झाला. सोलापूर शहराजवळ असलेल्या हिप्परगा तलावातील पाण्यात बुडून त्याची प्राणज्योत मालवली. रविवारी सायंकाळी पाच वाजण्याच्या सुमारास ही घटना घडली आहे. रविवारी दुपारी रंग खेळतो, असे सांगून तो घरातून गेला होता. त्यानंतर ही घटना घडली, अशी माहिती सूत्रांनी दिली. अनिकेत बाबरे हा चंडक महाविद्यालयात विज्ञान शाखेत होता. मित्रांसह गेलेल्या अनिकेतचा थेट मृतदेहच घरी आल्याने कुटुंबीयांनी आक्रोश केला.

तलावात उडी मारली, मात्र अनिकेतचा पाय अडकला

अनिकेत बाबरे हा रविवारी चार ते पाच मित्रांसोबत रंग खेळण्यासाठी बाहेर पडला. तेथून दुपारी हिप्परगा तलाव येथे पोहण्यासाठी गेला. त्याने उडी मारल्यानंतर तो खाली अडकला. एक तरुण पाण्यात बुडाल्याची माहिती गावकऱ्यांना कळाल्यानंतर त्यांनी शोध सुरू केला. त्याचा शोध लागताच त्याला बाहेर काढून खासगी हॉस्पिटलमध्ये दाखल करण्यात आले. पण डॉक्टरांनी त्याला तिथे मृत घोषित केले.