जळगाव : जळगाव शहरातील गोलाणी मार्केटमध्ये तरुणावर चॉपरने वार करत त्याची तीन ते चार जणांनी हत्या केल्याची घटना रविवारी रात्री १० वाजेच्या सुमारास घडली. सोपान गोविंदा हटकर (वय २५, रा. हरी विठ्ठल नगर, जळगाव) असं मयत तरुणाचे नाव आहे. सोपानने फायनान्स करुन दुचाकी घेतली. मात्र फायनान्सचे हप्ते थकल्याने दुचाकी एका खळ्यात लपवून ठेवली होती.
मात्र, सोपानने लपवून ठेवलेली बाईक त्याच्या मित्रांना दिसली आणि त्या दुचाकीला परस्पर घेऊन तिचा वापर करत होते. सोपानने त्याच्या मित्रांकडून त्याची बाईक परत मागितली. त्यानंतर मित्रांनी त्याला दुचाकी घेण्यासाठी बोलावून घेत त्याच्यावर चॉपरने वार करत बेदम मारहाण करत त्याची हत्या केल्याचं पोलिसांच्या तपासात समोर आले आहे. या प्रकरणी शहर पोलीस ठाण्यात चार जणांविरोधात गुन्हा दाखल करण्यात आला आहे.
मात्र, सोपानने लपवून ठेवलेली बाईक त्याच्या मित्रांना दिसली आणि त्या दुचाकीला परस्पर घेऊन तिचा वापर करत होते. सोपानने त्याच्या मित्रांकडून त्याची बाईक परत मागितली. त्यानंतर मित्रांनी त्याला दुचाकी घेण्यासाठी बोलावून घेत त्याच्यावर चॉपरने वार करत बेदम मारहाण करत त्याची हत्या केल्याचं पोलिसांच्या तपासात समोर आले आहे. या प्रकरणी शहर पोलीस ठाण्यात चार जणांविरोधात गुन्हा दाखल करण्यात आला आहे.
जळगाव शहरातील हरी विठ्ठल नगरात सोपान हटकर हा आईसोबत राहत होता. सेंटरींग तसेच मिळेल ते मजुरी काम करुन तो उदरनिर्वाह चालवत होता. तर त्याची आई धुणीभांडीचे काम करुन हातभार लावत होती. सोपान याने काही दिवसांपूर्वी फायनान्सवर हप्त्याने बाईक घेतली होती. बाईक काही हप्ते थकल्याने कंपनीवाले ही दुचाकी ओढून घेऊन जातील या भितीने सोपानने त्याची दुचाकी त्याच्या जळगाव तालुक्यातील रिंगणगाव येथील रहिवासी मामा सुपडू अर्जून पाटील यांच्या शेतातील खळ्यात लपवून ठेवली होती.
गुढीपाडव्याच्या दिवशी सोपानचे जळगाव शहरातील मित्र गोविंदा शांतीलाल झांबरे आणि ज्ञानेश्वर दयाराम लोंढे ऊर्फ नानू हे सोपानने लपवलेली बाईक परस्पर घेऊन तिचा वापर करत होते. याबाबत सोपानने दोघांना वेळावेळी रागावले सुध्दा होते. पण त्यानंतरही २६ मार्च रोजी दुपारी गोविंदा झांबरे आणि ज्ञानेश्वर हे दोघंही सोपानची बाईक घेऊन पारोळा येथे लग्नाला गेले होते. सोपानला याबाबत समजताच त्याने फोन करुन “माझी बाईक परत द्या”, म्हणून दोघांना जळगावला बोलावले होते.
गोविंदा आणि ज्ञानेश्वर यांनी बाईक परत घेण्यासाठी सोपानला जळगाातील गोलाणी मार्केट येथे बोलावले. त्यानुसार सोपान त्याची बाईक घेण्यासाठी रात्री साडेनऊ वाजेच्या सुमारास गोलाणी मार्केट येथे गेला. याठिकाणी दुचाकी घेण्यावरुन त्याचा गोंविदा आणि ज्ञानेश्वर यांच्याशी वाद झाला. या वादातून दोघांनी आणि त्यांच्यासोबत असलेल्या राहूल भरत भट आणि करण सुभाष सकट या चार जणांनी सोपानवर चॉपरने सपासप वार करत त्याची हत्या केली. यावेळी सोपानसोबत असलेल्या शुभम परदेशी आणि मुकेश लोंढे या दोन जणांनी या घटनेची माहिती सोपानच्या आईला दिली.
घटनेची माहिती मिळाल्यानंतर सहाय्यक पोलीस अधीक्षक संदीप गावित, अप्पर पोलीस अधीक्षक चंद्रकांत गवळी, शहर पोलीस ठाण्याचे पोलीस निरीक्षक विजय ठाकूरवाड यांच्यासह शहर पोलीस ठाण्याचे गुन्हे शोध पथकाचे सहाय्यक पोलीस निरीक्षक रवींद्र बागुल, पोलीस हवालदार भास्कर ठाकरे, प्रफुल्ल धांडे, अमोल ठाकूर, उमेश भांडारक, तेजस मराठे, योगेश इंधाटे, रतन गीते यांच्यासह पोलीस कर्मचारी घटनास्थळी दाखल झाले.
घटनास्थळाचा पंचनामा करण्यात येऊन खासगी वाहनातून सोपानचा मृतदेह जिल्हा शासकीय वैद्यकीय महाविद्यालयात रवाना करण्यात आला. या प्रकरणी मयत सोपानची आई सरलाबाई गोविंदा हटकर (वय ४७) यांच्या फिर्यादीवरुन गोविंदा शांतीलाल झांबरे (रा. नाथवाडा), ज्ञानेश्वर दयाराम लोंढे ऊर्फ नानू (रा. कंजरवाडा) राहूल भरत भट (रा. खोटेनगर) आणि करण सुभाष सकट (रा. बी.जे.मार्केट कोंडवाडा, जळगाव) या चार जणांविरोधात हत्येचा गुन्हा दाखल करण्यात आला आहे.
रात्रीतूनच सोपानची हत्या करणाऱ्या चारही संशयितांना शहर पोलीस ठाण्याच्या गुन्हे शोध पथकातील कर्मचाऱ्यांनी अटक केली आहे. दरम्यान, वर्दळीच्या मार्केटमध्ये हत्येच्या या घटनेनं जळगाव हादरलं आहे.
मोहोळांच्या नावे बिल्डरकडे खंडणीची मागणी, भाजपच्या कार्यक्रमासाठी ३ कोटी देण्याची धमकी