म. टा. वृत्तसेवा, बुलढाणा: स्मशानभूमीच्या जागेचा जुना वाद उफाळून आल्याने संग्रामपूर तालुक्यातील शेवगा खुर्द येथे गुरुवारी सायंकाळी; पोळ्याच्या दिवशीच दोन गटांत तुफान राडा झाला. दगड, विटा, लाठ्याकाठ्यांनी एकमेकांना मारहाण करण्यात आली. महिलांमध्येदेखील हाणामारी झाली. मारहाणीत अनेकजण जखमी झाले असून, गंभीर दुखापत झालेल्या पाच जणांना अकोला येथे उपचारासाठी भरती करण्यात आले आहे. या प्रकरणी तामगाव पोलिस ठाण्यात दोन्ही गटांतील ४०हून अधिक लोकांविरुद्ध विविध कलमांनुसार गुन्हे दाखल करण्यात आले. तर एका गटाविरुद्ध ॲट्रॉसिटी ॲक्टचे गुन्हे नोंदविण्यात आले.

शेवगा खुर्दचे रहिवासी प्रकाश किसन डोंगरदिवे (वय ४८) यांच्या फिर्यादीवरून गावातील स्मशानभूमीच्या जागेवरून दोन समाजामध्ये वाद आहे. १० सप्टेंबरच्या सायंकाळी एका गटातील महिला व पुरुषांनी लाठ्याकाठ्यांनी दुसऱ्या गटावर हल्ला चढविला. जातिवाचक शिवीगाळ करून धमक्या देत समाजातील लोकांना मारहाण करण्यात आली. या तक्रारीवरून पोलिसांनी गणेश मधुकर पिवतकार (वय ३०), गजानन मधुकर पिवतकार (वय ३२), निंबाजी आडे (वय ४०), ओम निंबाजी आडे (वय २२), मधुकर मेनकार (वय ३७), हर्ष मधुकर मेनकर (वय १९), शुभम विष्णू सोनोने (वय २३), मनोज विष्णू सोनोने (वय ३०), अभिजीत विष्णू सोनोने (वय २५), भगवान गोपाळ सोनोने (वय ५०), सौरभ भगवान सोनोने (वय २२), केशव बाबन सपकाळ (वय ४५), सूर्यकांता निंबाजी आडे (वय ३५), राधाबाई विष्णू सोनोने (वय ५०), इंदूबाई भगवान सोनोने (वय ४९), शालिनी गजानन पिवतकार (वय २७), गायत्री गणेश पिवतकार (वय २२), निशा मनोज सोनोने (वय २५), विजयकांता मधुकर मेनकार (वय २०) व प्राची भगवान सोनोने (वय २०) यांच्याविरुद्ध गुन्हे दाखल करण्यात आले.

Crime News: दिवसाढवळ्या थरार! मेडिकलमध्ये घुसून २२ वर्षीय तरुणाला संपवलं, तरण्याबांड मुलाच्या मृत्यूने कुटुंबाला धक्कादुसऱ्या गटातील अभित विष्णू सोनोने (वय २३) याने दिलेल्या तक्रारीवरून वीस जणांविरुद्ध गुन्ह्यांची नोंद करण्यात आली. स्मशानभूमीच्या जागेवरून काठ्या आणि सिमेंटच्या पेव्हर ब्लॉकने डोक्यावर, छातीवर, हातावर, खांद्यावर व पाठीवर मारहाण करण्यात आल्याचे तक्रारीत नमूद करण्यात आले. आरोपींमध्ये आनंदा किसन डोंगरदिवे, विकी रमेश खंडेराव, आदित्य कैलास डोंगरदिवे, आकाश कैलास डोंगरदिवे, प्रकाश किसन डोंगरदिवे, रमेश महादेव खंडेराव, गौतम राष्ट्रपाल वानखडे, सचिन देविदास वानखडे, धम्मपाल किसन डोंगरदिवे, कैलास किसन डोंगरदिवे, किसन आकाराम डोंगरदिवे, प्रवीण विश्वपाल वानखडे, रोहित ज्ञानदेव मेहेरे, नलिनी प्रकाश डोंगरदिवे, चंदा कैलास डोंगरदिवे, अंतकला किसन डोंगरदिवे, कविता आनंदा डोंगरदिवे, रमा धम्मपाल डोंगरदिवे, देवाबाई रमेश खंडेराव व अक्षय रमेश खंडेराव यांचा समावेश आहे.

Pune Crime : ऑनलाइन गेमिंग अन् बेटिंगच्या विळख्यात अडकून आयुष्य संपवलं, पुण्यातील MPSC करणाऱ्या प्रथमेश देशमुख प्रकरणात नवीन माहितीजखमींना अकोल्याला हलविले

हाणामारीत दोन्ही गटातील अनेक जण जखमी झाले. यातील गणेश पिवतकार, मधुकर पिवतकार, भुरा सोनोने, प्रदुम्न सोनोने, गणेश सोनोने यांना गंभीर दुखापत झाली आहे. त्यांना शेगाव येथील सईबाई मोटे उपजिल्हा रुग्णालयात हलविण्यात आले. या ठिकाणी त्यांच्यावर प्राथमिक उपचार करण्यात आले. डोक्याला व छातीला गंभीर दुखापत झाल्याने त्यांना अकोला येथे उपचारासाठी भरती करण्यात आले.

लेखकाबद्दलकिशोरी तेलकर किशोरी तेलकर

किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.

पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.

शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा