मैत्रिणीच्या कॅफेचं कौतुक

मित्रांसाठी नेहमीच मदतीचा हात देणाऱ्या सलमान खानने नुकतंच मुंबईतील वांद्रे भागात असलेल्या मैत्रिणीच्या नवीन कॅफेला सपोर्ट केला आहे. कॅफेच्या मालकिणीने शेअर केलेला व्हिडिओ पुन्हा शेअर करुन तिच्या उपाहारगृहाची त्याने जोरदार प्रसिद्धी केली. मात्र त्याने लिहिलेल्या कॅप्शनने सर्वांचे लक्ष वेधून घेतले.

इट्स डन, सिस

कोणाचेही थेट नाव न घेता, सलमानने गंमतीने धमकी दिली की, जर कॅफेने स्वच्छतेचे योग्य निकष पाळले नाहीत तर तो एफडीए आयुक्तांना तिथे पाठवेल. सलमानच्या खास शैलीतील विनोदाचा भाग म्हणजे या पोस्टमध्ये त्याच्या ‘इट्स डन, ब्रो’ या व्हायरल मीमचा हटके समावेश पाहायला मिळाला. यामुळे ही पोस्ट अधिकच मनोरंजक ठरली आहे.

Naldurg Killa News : रिक्षाचालक नवऱ्याच्या सांगण्यावरुन मुंबईतली नोकरी सोडली, विवाहितेचं नळदुर्गावर तीन लेकरांसह टोकाचं पाऊल, जुळ्या मुलींची जगण्याशी झुंज

सलमानची स्टोरी काय?

सलमानच्या इन्स्टाग्राम स्टोरीमधील मजकुरात तो म्हणतो “सृष्टी, माझी कॉफी पुन्हा भरुन दे ना, प्लीज. किंमत वाढवू नको, गुणवत्ता टिकवून ठेव. स्वच्छता पाळा, नाहीतर मी ‘त्यांना’ (तुकाराम मुंढे यांना) पाठवेन आणि मग ‘इट्स डन, सिस’ (काम तमाम होईल).”

पुढे सलमान म्हणतो, ‘एक दिवस मी माझ्या बीईंग ह्युमनचा टीशर्ट माझ्या बीईंग ह्युमनच्या जीन्समध्ये खोचून येईन. कॉर्पोरेट वुमन तुझ्यासाठी मला अतीव आनंद होत आहे. या व्हिडिओत जी बोलताना दिसते, तीच मालकीण आहे आणि तीच बॅटमॅन आहे’ असे इन्साईड जोक्सही सलमानने मारल्याचं दिसतं.

सेलिब्रिटींना मुंढेंची भुरळ

तुकाराम मुंढे यांचं कौतुक करणारा सलमान हा काही पहिलाच सेलिब्रिटी नाही. गेल्या महिन्यात, टीव्ही अभिनेत्री श्वेता तिवारी हिने तिला मिळालेल्या कोल्ड ड्रिंकमध्ये झुरळ आढळल्यानंतर त्यांची मदत घेतली होती. तर त्याही आधी काही मराठी-हिंदी कलाकारांनी मुंढेंचे गोडवे गायले आहेत

सलमानचं सध्या काय चाललंय?

सलमान लवकरच ‘बिग बॉस २०’चा लोकप्रिय सूत्रसंचालक म्हणून परतणार आहे. हा रिअ‍ॅलिटी शो ६ सप्टेंबर २०२६ रोजी सुरु होणार आहे. या सीझनमध्ये २० स्पर्धक घरात सहभागी होतील. संभाव्य यादीत करण वाही, रिया अहिर, मेरी कोम, माही विज, ईशा रिखी, कुशल तन्वर, अरिशफा खान आणि इतरांचा समावेश आहे.

Amravati Crime : बोलणं सोडल्याचा राग, एकतर्फी प्रेमातून 18 वर्षीय विद्यार्थिनीला भररस्त्यात संपवलं, 21 वर्षांचा माथेफिरु पसारअभिनयाच्या आघाडीवर, सलमानच्या ‘मातृभूमी: मे वॉर रेस्ट इन पीस’चा समावेश आहे. ‘बॅटल ऑफ गलवान’ असे सुरुवातीचे शीर्षक असलेल्या या युद्ध-नाट्यपटाचे सध्या रिशूट सुरु आहे. तसेच, तो वमशी पैदिपल्ली यांच्या ‘मॉन्स्टर’ या चित्रपटात नयनतारासोबत दिसणार आहे. हा चित्रपट २०२७ च्या ईदला प्रदर्शित होण्याची शक्यता असल्याचे वृत्त आहे.