मुंबईतील हवेची गुणवत्ता सन २०२३पासून सातत्याने खालावत चालल्याने धूळ प्रदूषण रोखण्यासाठी मुंबई महापालिकेने विविध उपाययोजना करण्यास सुरुवात केली. महापालिकेने ऑक्टोबर २०२३मध्ये एक परिपत्रक जारी करून मुंबईतील बांधकाम स्थळांवर प्रदूषण नियंत्रण उपायांची अंमलबजावणी करण्याचे आदेश दिले होते. तर, अन्य उपायांमध्ये मुंबईतील रस्त्यांवर पाणी फवारणी करण्यास सुरुवात केली. मुंबईत एकूण २ हजार ०५० किमी लांबीचे मुख्य रस्ते आहेत. सर्व २४ वॉर्डांमध्ये ६० फुटांपेक्षा जास्त रुंद आणि वर्दळीच्या पदपथांची स्वच्छता आणि धुलाई करण्यास सुरुवात केली होती. रस्त्यांवरील धूळ साफ करण्यासाठी पुनर्प्रक्रिया केलेले पाणी तसेच तलाव, विहिरी, बोअरवेल यांसारख्या स्थानिक जलस्रोतांमधून उपलब्ध पाण्याचा वापर केला गेला.

Nutritious Meal: सरकारी बैठकांतून बटाटेवडे, चहा हद्दपार; आरोग्यदायी पदार्थांचा समावेश करण्याचा मंत्रिमंडळाचा निर्णयमहापालिकेने धूळ प्रदूषण नियंत्रणासाठी वाहनावर आरूढ ‘मिस्ट मशिन’चा वापरही सुरू केला. फवारणीमुळे श्वसनाच्या तक्रारी आणि मिस्ट मशिनमुळे फारसा न होणारा परिणाम यामुळे हा फवारणी प्रयोग बंद करण्याचा निर्णय महापालिकेने घेतला. त्याऐवजी रस्त्यांवर आठवड्यातून एकवेळ पाणी फवारणी करण्यावर शिक्कामोर्तब केले. विविध उपाय करूनही प्रदूषण रोखण्यात फारसे यश न आलेल्या मुंबई महापालिकेने अखेर २९ बहुउद्देशीय वाहने खरेदी करण्याचा निर्णय घेतला आहे. या वाहनांद्वारे धुके व द्रव फवारणीही केली जाईल. तसेच, पाण्याचा फवारा आणि जेट फवारणी प्रणालीही यात असेल.

नवी मुंबई, मिरा-भाईंदरआणि पुणे येथे या वाहनाच्या चाचण्या यशस्वी झाल्या आहेत. त्यामुळे महापालिकेने पुणेस्थित एका कंपनीला टाटा चेसिसवर आधारित विशेष वाहने बनवण्याची ऑर्डर दिली आहे.

Pune Politics: भाजप-राष्ट्रवादीत अखेर मनोमिलन, वरिष्ठांच्या कानउघाडणीनंतर ‘पेल्यातील वादळ’ शमलेअशी आहेत वाहने

ही वाहने रस्त्यावरील धूळ हटवण्याचे नव्हे, तर गोळा किंवा शोषून घेण्याचे काम करणार असल्याची माहिती सूत्रांनी दिली. या वाहनाच्या पुढील बाजूस असलेले ब्रश धूळ शोषून घेतील आणि मशीनच्या वरील बाजूस असलेल्या एका चेंबरमध्ये ते खेचून घेतील. त्यानंतर कचरा वाहनात भरून तो थेट प्रक्रिया केंद्रात पाठवला जाणार असल्याचे सूत्रांनी सांगितले.