म. टा. प्रतिनिधी, नाशिक: मराठा विद्या प्रसारक समाज संस्थेच्या (मविप्र) नावाने बनावट कागदपत्रे तयार करून संस्थेची जमीन विक्री करण्याच्या बहाण्याने २१ लाख रुपयांचा अपहार केल्याचा प्रकार उघड झाला आहे. संस्थेचे सरचिटणीस ॲड. नितीन ठाकरे यांच्या फिर्यादीवरून सरकारवाडा पोलिस ठाण्यात भूषण शेवाळेसह पाच संशयितांविरुद्ध गुन्हा दाखल करण्यात आला आहे.

भूषण गमनराव शेवाळे, अमोल एन. बिडवे, ॲड. अश्विनी एस. गायकवाड, बनावट नोटरी करणारा वकील आणि ए. आय. शेख या पाच संशयितांविरुद्ध गुन्हा दाखल करण्यात आला आहे. संशयित भूषण शेवाळे व त्याच्या साथीदारांनी संगनमत करून ‘मविप्र’चे सरचिटणीस नितीन ठाकरे यांच्या संमतीशिवाय त्यांचा फोटो वापरून बनावट सामंजस्य व गोपनीयता करार तयार केले. त्यावर खोट्या स्वाक्षऱ्या आणि बनावट शिक्के मारून ते खरे असल्याचा भास निर्माण केला. यासह संशयितांनी नाशिक अपर जिल्हाधिकारी कार्यालयातील ‘सेक्युरिटायझेशन केस नं. ५२७/२०२४’ या प्रकरणाचे बनावट निकालपत्र व आदेश तयार केले.

Sangli Crime : पांढऱ्या द्रवाचा अंश अन् उग्र वास, पती-पत्नीचा एकामागून एक संशयास्पद मृत्यू, कदम कुटुंबावर शोककळातपासात हे प्रकरण वेगळ्या व्यक्तीशी संबंधित असल्याचे स्पष्ट झाले आहे. तसेच संशयित शेवाळे याने ही सर्व बनावट कागदपत्रे खरी असल्याचे भासवून उत्कर्ष जाधव आणि मधुकर जाधव यांना ‘मविप्र’च्या जागेतून स्वस्त दरात प्लॉट देण्याचे आमिष दाखवले. त्यांच्याकडून १५ लाख रुपये रोख आणि ६ लाख रुपये ‘आरटीजीएस’द्वारे असे एकूण २१ लाख रुपये उकळून अपहार केल्याचे फिर्यादीत नमूद आहे.

..असा होता बनाव

‘मविप्र’ची ३५ एकर ३२ गुंठे जमिनीची मिळकत आहे. ही मिळकत बँकेत तारण ठेवून कर्ज घेतलेले आहे. सदर कर्जाची संस्थेकडून परतफेड न झाल्यामुळे बँकेने वित्तीय मालमत्तेचे संपादन व पुनर्रचना आणि तारण हक्काची अंमलबजावणी अधिनियम २००२ अंतर्गत कारवाई केली. या कारवाईबाबत अपर जिल्हाधिकारी यांनी निकाल दिला आहे. या निकालाविरुद्ध कर्ज वसुली न्यायाधीकरण मुंबई (डीआरटी) यांच्या कार्यालयात अपील करण्यासाठी संस्थेच्या वतीने ‘लीगल असिस्टन्स’ म्हणून शेवाळेची नेमणूक केल्याची बनावट नोटरी तयार केली होती.

संस्थेमार्फत सरचिटणीस आणि बी. एस. असोसिएट्सतर्फे भूषण शेवाळे यांचा समजूत करारनामा लावलेला होता. त्यात कायदेशीर सल्लागार म्हणून नेमणूक केल्याचे संस्थेच्या ‘लेटरहेड’वर नमूद केले होते. ‘डीआरटी’ने संस्थेच्या वतीने खटला लढण्यासाठी शेवाळेने त्याची फी सात कोटी रुपये ठरवली होती.

Nutritious Meal: सरकारी बैठकांतून बटाटेवडे, चहा हद्दपार; आरोग्यदायी पदार्थांचा समावेश करण्याचा मंत्रिमंडळाचा निर्णय… अशी झाली उकल

संशयिताने दिलेली कागदपत्रे संशयास्पद वाटल्याने उत्कर्ष जाधव व मधुकर जाधव यांनी ३१ ऑगस्ट रोजी ‘मविप्र’चे मुख्य कार्यालय गाठून नितीन ठाकरे यांची प्रत्यक्ष भेट घेतली. शेवाळेने दिलेला सामंजस्य करार, गोपनीयता करार व इतर कागदपत्रे ठाकरे यांना दाखवली. सदर कागदपत्रे पाहताच, ‘संस्थेने असा कोणताही करार केलेला नाही. या करारावरील सरचिटणीसांचा फोटो, स्वाक्षरी व संस्थेचे शिक्के पूर्णपणे बनावट व खोटे आहेत’ असे ठाकरे यांनी स्पष्ट केले. त्यानंतर ठाकरे यांनी अपर जिल्हाधिकारी कार्यालयातूनही माहिती घेतल्यावर बनावट निकालपत्र वापरले गेले असून, संबंधित कागदपत्रे एका कंपनीच्या प्रकरणातील असल्याचे स्पष्ट झाले.

लेखकाबद्दलकिशोरी तेलकर किशोरी तेलकर

किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.

पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.

शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा