मनसे नेते अमित ठाकरे यांनी पंतप्रधान मोदींचा फोटो हटवल्याने राजकारण तापू लागले आहे. पुण्यात घडलेल्या या प्रकरणानंतर मुंबईत देखील याचे तीव्र पडसाद उमटू लागले आहेत. याचाच परिणाम म्हणून मुंबईत मनसे आणि भाजप युवा मोर्चाचे कार्यकर्ते आमनेसामने आले आणि त्यानंतर जोरदार राडा पाहायला मिळाला. भाजपचे कार्यकर्ते मनसे अध्यक्ष राज ठाकरे यांचं निवासस्थान असलेल्या शिवतीर्थावर धडकणार असल्याची माहिती मिळताच मनसैनिकांनी शिवतीर्थाबाहेर मोठ्या संख्येने जमायला सुरुवात केली. तर भाजपवाले इथे पोहोचलेच नाहीत, पण आम्ही त्यांना चोख प्रत्युत्तर दिलंय, अशी आक्रमक प्रतिक्रिया मनसेकडून देण्यात आली.