म.टा.प्रतिनिधी, पुणे: भाजपच्या नेत्यांबद्दल अवमानकारक वर्तन केल्याच्या आरोपावरून राष्ट्रवादी काँग्रेससोबतची पुणे महापालिकेतील युती तुटल्याची घोषणा करणाऱ्या भारतीय जनता पक्षाला अखेर नरमाईची भूमिका घ्यावी लागली आहे. मुख्यमंत्री देवेंद्र फडणवीस आणि उपमुख्यमंत्री सुनेत्रा पवार यांनी पदाधिकाऱ्यांचे कान टोचल्यानंतर मंगळवारी महापालिकेत दोन्ही पक्षांच्या प्रमुख पदाधिकाऱ्यांची बैठक होऊन ‘मनोमिलन’ घडवून आणण्यात आले. त्यामुळे महापालिकेतील हा सत्तासंघर्ष अखेर ‘पेल्यातील वादळ’ ठरला आहे.
बैठकीला भाजपतर्फे महापौर मंजूषा नागपुरे आणि सभागृहनेते गणेश बीडकर, तर ‘राष्ट्रवादी’कडून आमदार चेतन तुपे, विरोधी पक्षनेते नीलेश निकम आणि शहराध्यक्ष सुनील टिंगरे उपस्थित होते.
Pune News: स्मशानभूमी पाण्यात! कमरेभर पाणी, गाळातून बॉडी नेण्याची वेळ; अंत्यविधीसाठी मनस्तापअमोल बालवडकर आणि सुहास टिंगरे यांनी कोथरूडचे आमदार चंद्रकांत पाटील यांच्या आमदार निधीतून झालेल्या सुमारे ३८ लाख रुपयांच्या कामांचे लेखापरीक्षण करण्याची मागणी केली होती. त्यावरून भाजपने आक्रमक भूमिका घेत दोन्ही नगरसेवकांची १२ कोटी रुपयांची तरतूद शून्य केली. यावरून सभागृहात आणि बाहेर आंदोलनांसह आरोप-प्रत्यारोप रंगले.
महापालिकेतील वाद राज्यभर पोहोचू नये यासाठी उपमुख्यमंत्री सुनेत्रा पवार आणि मंत्री चंद्रकांत पाटील यांच्यात नुकतीच चर्चा झाली. या बैठकीस भाजपकडून बीडकर, तर ‘राष्ट्रवादी’कडून तुपे, टिंगरे उपस्थित होते. दिवंगत नेते अजित पवार यांच्या तैलचित्रासाठी जागेची पाहणी करण्याच्या निमित्ताने दोन्ही पक्षांचे नेते बीडकर यांच्या कार्यालयात एकत्र आले. मुख्य सभागृहाबाहेर तैलचित्रासाठी जागा निश्चित केली आहे.
Pune News : पुण्यातील मतदार 28 लाखांनी घटले, SIR नंतर प्रारुप यादी जाहीर, भोसरी सर्वांत मोठा मतदारसंघ, हडपसरचे व्होटर निम्म्यावरटिंगरेंना दिलासा; बालवडकर प्रतीक्षेत
या तडजोडीत सुहास टिंगरे यांचा रोखलेला निधी परत देण्याचा निर्णय होण्याची शक्यता आहे. मात्र, अमोल बालवडकर यांच्या निधीबाबत अद्याप अंतिम निर्णय झालेला नाही. त्यामुळे टिंगरेंची वादातून सुटका झाली; पण बालवडकर अद्याप ‘लटकले’ असल्याची चर्चा महापालिका वर्तुळात आहे. निधीबाबत ‘राष्ट्रवादी’कडून भाजपला पत्र देण्यात येणार आहे.
वरिष्ठांच्या आदेशानुसार बैठक झाली. आमच्यात मतभेद असले तरी मनभेद नाहीत. शहराच्या विकासासाठी आम्ही राज्यात आणि पुण्यात एकत्र आहोत. ‘राष्ट्रवादी’कडूनही सहकार्य मिळेल. -गणेश बीडकर, सभागृह नेते
दिवंगत नेते अजित पवारांचे तैलचित्र लावण्याची जागा पाहण्यासाठी महापालिकेत जमलो होतो. या वेळी विकासकामांबाबत चर्चा झाली. महायुतीचा सन्मान राखला जावा आणि पुणेकरांच्या हिताचे काम व्हावे, अशी चर्चा झाली.– चेतन तुपे, आमदार
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा