Megha Rawal : घटनास्थळावरुन मिळालेले सीसीटीव्ही फूटेज अस्पष्ट असल्यामुळे कार अपघातावेळी मेघा फोन वापर करत होती की नाही, याची खात्री करता आली नसल्याचे पोलीस म्हणाले. तर तसा सीडीआर नसल्याचा दावा तिच्या वकिलांनी केला
मंगळवारी संपलेल्या एका दिवसाच्या पोलीस कोठडीदरम्यान तपासातून कोणताही नवीन दुवा किंवा पुरावा हाती लागला नसल्याचे पोलिसांनी सांगितले. त्यानंतर दंडाधिकारी ई. टी. इंगळे यांनी आरोपी मेघा रावल हिची कोठडी वाढवण्याची पोलिसांची विनंती फेटाळून लावली. तिच्या जामीन अर्जावर बुधवारी सत्र न्यायालयात सुनावणी होणार आहे. मुंबईतील वांद्रे पश्चिम येथील जिजामाता गार्डनसमोर रविवारी दुपारी हा अपघात झाला होता.
सीडीआरनुसार फोन वापरत असल्याचा पुरावा नाही
अधिक पोलीस कोठडीला विरोध करताना मेघा रावलच्या वकील अंकिता सिंग आणि भव्या शाह यांनी सांगितले की, गाडी चालवताना किंवा अपघाताच्या वेळी मेघा फोनवर बोलत होती, हे सिद्ध करणारा कोणताही ‘कॉल डेटा रेकॉर्ड’ (सीडीआर) आढळलेला नाही. कलम १०५ (सदोष मनुष्यवध) लागू करण्यासाठी कोणतेही ठोस कारण नाही; हे कलम सहसा मद्यपान करुन गाडी चालवणे यांसारख्या अत्यंत निष्काळजीपणाच्या कृत्यांसाठी लावले जाते.
घटनास्थळावरील सीसीटीव्ही फूटेज अस्पष्ट
पोलिसांनी सांगितले की, घटनास्थळावरुन मिळालेले सीसीटीव्ही फूटेज अस्पष्ट होते आणि त्यावरुन मेघा रावल त्यावेळी फोनचा वापर करत होती की नाही, याची खात्री करता आली नाही. मेघाच्या वकिलांनी सांगितले की, गाडीची धडक बसून लहान मूल पडल्याचे समजल्यानंतरच त्यांनी आपल्या पतीला फोन केला होता. त्यांचा फोन फॉरेन्सिक तपासणी आणि सीडीआर तपासणीसाठी पाठवण्यात आला आहे.
Crime News : सोशल मीडियावरील मैत्रीतून लव्ह मॅरेज, पण दीड वर्षातच फिस्कटलं, मेहुणीच्या दाराला कडी घातली, 27 वर्षीय पत्नीचा जीव घेतला
तक्रारदार आणि आरोपीतील वादाची पडताळणी
पोलीस निरीक्षक सचिन राणे यांनी न्यायालयात सांगितले की, तपास पथकाने वांद्रे येथील माऊंट मेरी रोडवरील एका दूध विक्रेत्याचा जबाब नोंदवला आहे. तक्रारदार, मेघा रावल आणि त्यांचे नातेवाईक यांच्यात काही वाद होता का, याचाही पोलिसांनी तपास केला; मात्र त्यात कोणतीही आक्षेपार्ह माहिती आढळली नाही.
दोन दशकांनी आयव्हीएफद्वारे पुत्रप्राप्ती
मयत अंश गुप्ता याच्या न्यायालयात उपस्थित असलेल्या पालकांनी आणि इतर नातेवाईकांनी मेघा रावल हिच्यावर बेदरकारपणे गाडी चालवल्याचा आरोप केला. त्याचे वडील राजेंद्र गुप्ता (४७) यांनी सांगितले की, लग्नानंतर जवळपास दोन दशकांनी आयव्हीएफद्वारे अंशचा जन्म झाला होता. त्यांनी मेघाला कठोर शिक्षा देण्याची मागणी केली. “तो अभ्यासात हुशार होता आणि तो पोलीस अधिकारी बनावा, असे आमचे स्वप्न होते.” असेही त्यांनी सांगितले.
कुटुंबाचा मेघावर धावून जाण्याचा प्रयत्न
सुनावणीनंतर मेघा रावल हिला पोलीस वाहनात नेले जात असताना अंशच्या कुटुंबीयांनी तिच्या दिशेने धाव घेतली. पोलिसांनी मेघाचा बचाव करत तिला गाडीतून नेले, तेव्हा गुप्ता कुटुंबीयांनी गाडीच्या मागे धावत त्यावर हात आपटले.
Indian Women killed in US : दोन भारतीय महिलांना अमेरिकेत संपवलं, एकामागून एक जीव घेतला, मैत्रिणीलाच अटकसंतप्त जमावाकडून नुकसान होऊ शकते या शक्यतेमुळे, वांद्रे पोलिसांनी मेघा रावल हिची एसयूव्ही पोलीस ठाण्याच्या आवारातून सुरक्षित ठिकाणी हलवली आहे. डीसीपी (पश्चिम विभाग-२) मोहित गर्ग यांनी सांगितले की, अपघातानंतर मेघा रावल हिने अंशला एसयूव्हीमधून तातडीने रुग्णालयात नेले होते.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा