मनोज बाबूराव शिंदे (वय २६) आणि अमोल अशोक शिंदे (वय २०, दोघे रा. नाशिक जेलरोड, नाशिक, मूळ रा. सिद्धेश्वर, जि. हिंगोली) अशी मृतांची नावे आहेत. डक्टमध्ये ऑक्सिजनची कमतरता, विषारी वायू किंवा अन्य कारणामुळे दोघांचा गुदमरून मृत्यू झाल्याचा प्राथमिक अंदाज आहे. मृत्यूचे नेमके कारण शवविच्छेदन आणि वैद्यकीय अहवालानंतर स्पष्ट होईल. या डक्टमध्ये १५ ऑगस्ट २०२५ रोजी फायबरचे काम करण्यासाठी उतरलेल्या तीन कामगारांचा मृत्यू झाला होता. ते प्रकरण न्यायप्रविष्ट आहे.

Nashik Crime : गर्लफ्रेण्ड रुसली, 27 वर्षांच्या आदित्यने थेट चौकातच ‘सॉरी’चा बॅनर लावला, लोकांमध्ये चर्चा, पोलिसांकडून ‘पंचनामा’मृत कामगार नक्की कोणाचे?

मध्यरात्री एकच्या दरम्यान पोलिस ईदचा बंदोबस्त संपवून पोलिस ठाण्याकडे निघाले असता लोकमान्य रुग्णालयाजवळ मुन्ना नावाच्या व्यक्तीने त्यांना अडविले. माझे दोन सहकारी डक्टमध्ये गेले होते. ते अजून बाहेर आले नाहीत, असे त्याने सांगितले. त्यानंतर पोलिसांनी अग्निशमन दलाला बोलावले. त्यानंतर दोन्ही मृतदेह बाहेर काढण्यात आले. दरम्यान, या कामगारांना येथे कामासाठी कोणी बोलावले होते, हे अद्याप स्पष्ट झालेले नाही. हे कामगार ठेकेदाराचे नाहीत; तसेच ‘बीएसएनएल’चेही नाहीत. हे कामगार नेमके कोणाचे होते, त्यांना कोणी पाठविले होते, याचा पोलिसांकडून तपास सुरू आहे.

Shilpa Gaware Case : रक्षाबंधनच्या आधीच बहिणीचा मृत्यू; इस्त्रीने चटके देत मारहाण केल्याचा आरोप, 17 वर्षे छळ सोसला, शिल्पाचा संशयास्पद मृत्यू, भावाचा दावाअपघाताची जबाबदारी निश्चित करा
या घटनेप्रकरणी राष्ट्रीय सफाई कर्मचारी आयोग आणि राष्ट्रीय अनुसूचित जाती आयोगाने हस्तक्षेप करावा, अशी मागणी करण्यात आली आहे. दुर्घटनेची स्वतंत्र फॉरेन्सिक चौकशी करून ‘बीएसएनएल’ आणि पिंपरी-चिंचवड महापालिकेची – जबाबदारी निश्चित करावी, सुरक्षा ऑडिट करावे; तसेच मृतांच्या कुटुंबीयांना ३० लाख रुपयांची मदत मिळावी, अशी मागणी अॅड. सागर चरण यांनी केली आहे.

डक्टमध्ये दोन व्यक्ती पडल्याची माहिती मिळाल्यानंतर अग्निशमन दलाच्या मदतीने त्यांना बाहेर काढण्यात आले. ते डक्टमध्ये नेमके कशासाठी उतरले होते आणि त्यांना काम कोणी दिले होते, याचा तपास सुरू आहे. – महेश बनसोडे, वरिष्ठ पोलिस निरीक्षक, निगडी