मरीन ड्राईव्ह ते वरळीपर्यंतचे काम पूर्ण

मुंबई महापालिकेने या प्रकल्पलाच्या कामाला सुरुवात केली आहे. विशेष म्हणजे या प्रकल्पाचे काम दक्षिण मुंबईत पूर्ण झाले आहे. मरीन ड्राईव्हपासून वरळीपर्यंतच्या रस्त्याचे काम पूर्ण झाले. आता यानंतर उत्तर मुंबईतील किनारी रस्त्याच्या कामाला गती मिळताना दिसत आहे. वर्सोवा-दहिसर-भाईंदर अशा या मार्गाचे काम मुंबई महापालिकेकडून केले जात आहे. विशेष म्हणजे मुंबई महापालिकेकडूनच दहिसर-भाईंदर उन्नत मार्गाचे देखील जोरात सुरु आहे. मुंबई महापालिकेचे प्रकल्पाचे अतिरिक्त आयुक्त अभिजीत बांगर यांनी नुकतंच या उन्नत मार्गाच्या कामाची पाहणी केली आहे.

वेगवेगळ्या टप्प्यांमध्ये काम सुरु

मुंबई महापालिकेचा अत्यंत महत्त्वकांक्षी आणि मोठा असा हा प्रकल्प आहे. खरंतर आंतरबदल आणि जोडरस्ते मिळून एकूण 60 किमीचे प्रकल्प आहे. यातून वर्सोवा आणि भाईंदर किनारा रस्त्याने जोडले जाणार आहेत. दरम्यान, वर्सोवा-दहिसर-भाईंदर प्रकल्पाचे कामे हे वेगवेगळ्या टप्प्यांमध्ये केले जात आहेत. ए, बी, सी, डी, ई, एफ, दहिसर-भाईंदर जोडरस्ता (डीबीएलआर) अशा सात टप्प्यांमध्ये या रस्त्यांची कामे विभागली गेली आहेत.

प्रकल्पात कोणकोणते रस्ते, बोगदे बनवले जाणार?

या प्रकल्पाच्या माध्यमातून दुहेरी उन्नत मार्ग, खारफुटी क्षेत्रातील खांबांवरील रस्ते, दोन केबलवर आधारीत पूल, चार बास्केट पूल, 15 मीटर व्यासाचे दोन जुळे बोगदे आणि 10 आंतरबदल उभारण्यात येणार आहेत. तसेच मालाड-चारकोप दरम्यान येथे 7.8 किमीचे जुळे बोगदे तयार केले जाणार आहे. त्यासाठी खोदकाम सुरु झाले आहे. त्यामुळे या प्रकल्पाला आणखी गती मिळणार आहे.

रस्त्यांची कामे पूर्ण झाल्यावर कनेक्टिविटी वाढणार

एकीकडे नरिमन पॉईंट-भाईंदर या प्रकल्पाचे काम सुरु आहे. नरिमन पॉईंट-वरळी दक्षिण सागरी किनारा मार्ग तयार झाला आहे. दुसरीकडे वांद्रे-वर्सोवा रस्त्याचे काम राज्य सरकारच्या प्राधिकरणाकडून सुरु आहे. तसेच वरळी-वांद्रे सेतू सर्वश्रूत आहे. सर्व रस्त्यांची कामे पूर्ण झाले तर नरिमन पॉईंटहून भाईंदरपर्यंत थेट समुद्र किनाऱ्यापासून रस्ते मार्गाने कमी वेळेत जाता येणार आहे.