Nashik Fraud Case: अंदाजे सव्वा ते दीड कोटी रुपये फसवणुकीची रक्कम असून, या प्रकरणात संशयित व्यावसायिक योगेश बाळकृष्ण दाभाडे याच्याविरुद्ध पंचवटी पोलिस ठाण्यात गुन्हा नोंदवण्यात आला आहे.
माजी महापौर अशोक मुर्तडक यांनी पंचवटी पोलिसांत फिर्याद दिली आहे. संशयित योगेश दाभाडे हा सराफ व्यावसायिक असून, दोघांची दोन वर्षांपूर्वी ओळख झाली होती. त्यानंतर दाभाडे याचे मुर्तडक यांच्या घरी ये-जा सुरू झाली. त्याने घरातील महिलांचा विश्वास संपादन केला. मुर्तडक यांच्या आई व मावशी यांनी मृत्यूपूर्वी त्यांचे स्त्रीधन घरातील महिलांना वाटून दिले होते. त्यात मुर्तडक यांच्या पत्नीकडे शंभर तोळे, मुलीकडे पन्नास तोळे, तर सुनेकडे पन्नास तोळे सोने होते. हे सर्व सोने दुप्पट करून देण्याचे आमिष दाखवून दाभाडे याने १ जानेवारी २०२५ पूर्वी घरातील महिलांकडून ते ताब्यात घेतले.
दरडींच्या छायेत त्र्यंबकेश्वर; ‘ब्रह्मगिरी’च्या नैर्ऋत्य भागात कोसळली, वाहतूक नसल्याने टळला अनर्थ
सोने ताब्यात घेतल्यानंतर संशयिताने सहा महिने कोणतीही हालचाल केली नाही. मूळ सोने किंवा वाढीव सोने काहीच मिळत नसल्याचे पाहून महिलांनी हा प्रकार मुर्तडक यांच्या कानावर घातला. त्यानंतर मुर्तडक यांनी संशयिताला घरी बोलावून, ‘वाढीव सोने नको, आमचे मूळ सोने परत कर’ अशी विनंती केली. मात्र, संशयिताने सतत टाळाटाळ केली आणि विविध कारणे देत वेळ मारून नेली. दीड वर्ष उलटूनही हक्काचे सोने परत न मिळाल्याने फसवणूक झाल्याचे स्पष्ट झाले. त्यानंतर त्यांनी पोलिसांत धाव घेतली. दरम्यान, माजी महापौरांसारख्या व्यक्तीच्या घरात संशयिताने तब्बल दोनशे तोळे सोन्याचा अपहार केल्यामुळे नाशिकच्या राजकीय वर्तुळात खळबळ उडाली आहे.
एप्रिलमध्ये मुतर्डकांवर गुन्हा
फसवणुकीच्या गुन्ह्यातील संशयित योगेश दाभाडे याने संशयित अशोक मुर्तडक यांच्याविरुद्ध फिर्याद दिली होती. दाभाडेने मुर्तडक यांच्या कथित छळाला कंटाळून आत्महत्येचा प्रयत्न केला होता. त्याबाबत एप्रिल २०२६ मध्ये पंचवटी पोलिसांत गुन्हा नोंद आहे. वर्षभरापूर्वी दाभाडे याने मुर्तडक यांच्याकडून ९० लाख रुपये हातउसने घेतले होते. काही रक्कम परतफेड केल्यानंतर उर्वरित पैशांसाठी मुर्तडक यांनी गेल्या सहा महिन्यांपासून सतत त्रास दिल्याचा आरोप दाभाडेने केला होता.
Nashik News : ‘ये दादा तू रडू नको’; मित्र-मैत्रिणींसोबत फिरायला गेला पुन्हा परतलाच नाही, अभिजीतचा बुडून करुण अंत; घटनास्थळी मित्राचा हंबरडा
काय घडले?
–सराफ व्यावसायिक योगेश दाभाडेकडून मुर्तडकांच्या घरातील महिलांचा विश्वास संपादन
-दुप्पट सोने देण्याचे आमिष दाखवून महिलांकडून दागिने ताब्यात घेतले
-दीड वर्ष उलटूनही दुप्पट सोने दूरच, मूळ सोनेही देण्यास टाळाटाळ
-फसवणूक झाल्याचे लक्षात आल्याने मुर्तडकांची पोलिसांत धाव
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा