कळवा येथे राहणारे रिक्षाचालक दशरथ पवार (३०) हे मोहम्मद अमीन व अमजद अन्सारी या दोन प्रवाशांना घेऊन घोडबंदरच्या दिशेने जात होते. यावेळी आनंद नगर येथील डी मार्टसमोरून जाणाऱ्या गॅस टँकर चालकाचे टँकरवरील नियंत्रण सुटले आणि टँकर पवार यांच्या रिक्षावर कोसळला. अपघातात पवार व अमीन या दोघांचा जागीच मृत्यू झाला. अन्सारी या अपघातातून बचावले. अपघातग्रस्त रिक्षाचा चक्काचूर झाला.

Ramesh Mhatre Arrest : डोंबिवलीतील डॉक्टरांना मारहाण, राज्यभर संताप; अखेर शिंदेसेनेचे नगरसेवक रमेश म्हात्रेंना अटक, 24 तासांत कारवाई
भररस्त्यात टँकर उलटल्याने ठाण्याकडून घोडबंदरच्या दिशेने जाणारी वाहतूक विस्कळीत झाली होती. घटनेची माहिती मिळताच घटनास्थळी स्थानिक पोलिस व वाहतूक कर्मचाऱ्यांनी तातडीने धाव घेत क्रेनच्या साहाय्याने टँकर हटवला. त्यानंतर या मार्गावरील वाहतूक सुरळीत झाली.

मृत दशरथ पवार यांच्या पश्चात पत्नी व दोन लहान मुले आहेत. त्यांची पत्नी लहानसहान कामे करून कुटुंबाचा चरितार्थ चालवते. पवार यांच्या अपघाती मृत्यूने कुटुंबावर दुःखाचा डोंगर कोसळला आहे. मृत अमीन हे हे मूळचे उत्तर प्रदेशचे आहेत. ते ठाण्यात कामाच्या निमित्ताने अन्सारींसमवेत आले होते.

Dombivli Ramesh Mhatre : ऑन ड्युटी डॉक्टरला मारहाण, महिलेला धक्काबुक्की, डोंबिवलीत शिवसेनेच्या नगरसेवकाची गुंडगिरी; श्रीकांत शिंदेंचं मोठं पाऊल
भांडुपमध्ये पुन्हा ‘बेस्ट’ अपघात
‘बेस्ट’च्या ताफ्यातील एसी बसने बुधवारी पादचाऱ्यासह पाच वाहनांना धडक दिली. भांडुप पोलिस ठाण्यात या घटनेची नोंद करण्यात आली आहे. बेस्टची ए-४२५/३२ क्रमांकाची एसी बस सकाळी साडेआठच्या सुमारास भांडुप येथील कोकण नगरच्या दिशेने जात असताना चालकाला उजवीकडचे वळण योग्यरित्या घेता आले नाही. परिणामी बस मागे घेण्यात आली. या प्रक्रियेत बसच्या मागील भागाची अतुल पडवे (४३) या पादचाऱ्याला धडक बसली. एका झाडाचा कट्टा आणि बसचा मागील भाग यात पडवे अडकले. त्यांना बाहेर काढण्यासाठी जमलेल्यांनी बसला धक्का दिला. त्यात बस पुढे सरकली आणि चालकाचे नियंत्रण सुटल्याने पार्किंगमध्ये उभ्या असलेल्या चार दुचाकी आणि रिक्षा यांना धडकली. पडवे यांना मुलुंड येथील अग्रवाल रुग्णालयात दाखल करण्यात आले आहे.