वडिलांच्या निधनानंतर आमदार झालेले अक्षय कर्डिले पहिल्यांदाच विधानभवनात पोहोचले. विधीमंडळाचे पावसाळी अधिवेशन सुरू झाले असून पहिल्याच दिवशी कर्डिले उपस्थित राहिले. यावेळी कर्डिले आपल्या वडिलांप्रमाणेच पेहराव व टोपी घालून विधानभवनात आले. टोपी ही वडिलांची ओळख होती असे सांगत अक्षय कर्डिले भावुक झाले. मतदरांना वडिलांची उणीव भासू नये म्हणून टोपी घालून आलो, असे त्यांनी सांगितले.