काळा किल्ला आगारातील इव्हे ट्रान्स (ओलेक्ट्रा) कंपनीची बस क्रमांक ७११ धारावी आगारातून वीर कोतवाल उद्यानादरम्यान (प्लाझा) धावत होती. सकाळी ९.३०च्या सुमारास ही बस वीर कोतवाल उद्यानाजवळ असलेल्या बस स्थानकाजवळून धारावी आगाराकडे परत जात होती. बस शिवाजी मंदिराच्या दिशेने जाणे अपेक्षित असतानाच ती पुन्हा कोतवाल उद्यानाजवळ वळली आणि एका क्रेनला आणि टॅक्सीला धडकली. तत्पूर्वी, या बसने दोन दुचाकीस्वारांसह एका कारलाही धडक दिली.

Plaza BEST Bus Accident : माझ्या भावाचा काय दोष? कुटुंब सावरणाऱ्या 25 वर्षीय नियाजचा बेस्ट बस अपघातात अंत, भावंडांचा बांध फुटला
या अपघातात एका दुकाचीस्वाराचा मृत्यू झाला. नियाज अहमद (२८) असे त्याचे नाव आहे. तर, दुसऱ्या दुचाकीस्वारावर शीव रुग्णालयातील अतिदक्षता विभागात उपचार सुरू आहेत. बसमध्ये असलेले दोन बसनिरिक्षक आणि बसवरील वाहकही जखमी झाले असून, त्यांच्यावर शीव रुग्णालयात उपचार सुरू आहेत.

अपघातग्रस्त बसवर चालक सकाळी ७ वाजल्यापासून कार्यरत होता. सकाळी ७ ते अपघात होण्याआधी बस सुरळीत धावत होती. मात्र, त्यानंतर या बसचा अपघात झाला. कोतवाल उद्यानाजवळच असलेल्या बस स्थानकाजवळून बस सुटताच ती शिवाजी मंदिरच्या दिशेने पुढे धारावी आगाराकडे जाणार होती. बस सुरू होताच तिचा वेग अचानक वाढला आणि चालकाने कोतवाल उद्यानाजवळ वळण घेतले आणि बसचा अपघात झाला. बसचा वेग पाहता चालकाने ‘हॅन्ड ब्रेक’ सोडताच ‘फूट ब्रेक’वर पाय ठेवून बस हळूहळू पुढे नेण्याऐवजी थेट ॲक्सीलरेटरवर पाय दिल्याचा प्राथमिक अंदाज ‘बेस्ट’ अधिकाऱ्यांनी वर्तवला. मात्र, चौकशीनंतरच अपघाताचे कारण स्पष्ट होईल, असे सांगण्यात आले.

दरम्यान, आरोपी चालक पाडावे याचा जबाब शिवाजी पार्क पोलिसांनी नोंदवला. ‘ब्रेक फेल’ झाल्याने टिळक पुलाच्या उतारावर वाढलेला वेग कमी करणे अशक्य झाले. जीवितहानी टाळण्यासाठी जे काही करणे शक्य होते ते केले’, असा दावा पाडावे याने केल्याचे सांगण्यात आले. पोलिस उपायुक्त महेंद्र पंडित यांनी दिलेल्या माहितीनुसार पाडावेविरोधात गुन्हा दाखल करण्यात आला आहे.
Mumbra Train Accident: गूढ, गर्दी अन् आश्वासने! मुंब्रा दुर्घटनेला आज एक वर्ष पूर्ण; अपघाताचे नेमके कारण अस्पष्टच
चालक अनुभवी
या बसवर चालक म्हणून विकास पाडावे हे कार्यरत आहेत. भाडेतत्त्वावरील बससेवा देणाऱ्या एसएमटीएटीपीएल यांच्याकडे ते कार्यरत होते. त्यानंतर मार्च २०२१पासून पाडावे हे इव्हे ट्रान्स (ओलेक्ट्रा) कंपनीत रुजू झाले. त्यांना इलेक्ट्रिक बसगाड्या चालवण्याचा अनुभव आहे. यापूर्वी इव्हे ट्रान्सच्या इलेक्ट्रिक बसगाड्यांची सुरक्षा मोहीमही राबविण्यात आली होती, अशी माहिती ‘बेस्ट’ उपक्रमाकडून देण्यात आली. त्यात इलेक्ट्रिक बस चालवताना घ्यावयाच्या खबरदारीबाब चालकांना मार्गदर्शन करण्यात आल्याचे सांगण्यात आले.

चौकशीसाठी समिती
दादरमध्ये झालेल्या ‘बेस्ट’ बस अपघाताची सखोल चौकशी करण्यात येणार आहे. त्यासाठी ‘बेस्ट’ उपक्रमाकडून चार सदस्यीय समिती नेमण्यात आली आहे. सध्या चालक पोलिसांच्या ताब्यात असून, अपघातग्रस्त बस ‘आरटीओ’च्या ताब्यात आहे. त्यामुळे ‘आरटीओ’कडून या बसची तपासणी झाल्यानंतर ‘बेस्ट’ उपक्रमाकडून बसची तपासणी होईल.

लेखकाबद्दलकिशोरी तेलकर किशोरी तेलकर

किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.

पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.

शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा