Baramati Accident News: बारामतीतील चौधरवाडी फाटा येथे इलेक्ट्रिक स्कुटी आणि आयशर टेम्पोची समोरासमोर धडक झाली. या धडकेत दोन अल्पवयीन सख्ख्या बहिणींचा जागीच मृत्यू झाला आहे.
सख्ख्या बहिणी दगावल्या
या अपघातात अक्षदा ज्ञानेश्वर बोडरे (वय १७) आणि सेजल ज्ञानेश्वर बोडरे (वय १५, रा. मुरूम, ता. फलटण, जि. सातारा) यांचा घटनास्थळीच मृत्यू झाला. तर त्यांचा भाऊ पवन ज्ञानेश्वर बोडरे (वय ९) हा गंभीर जखमी झाला असून त्याला तातडीने बारामतीतील खासगी रुग्णालयात उपचारासाठी दाखल करण्यात आले आहे.
मदतीसाठी नागरिक धावले
अपघाताची माहिती मिळताच परिसरातील नागरिकांनी घटनास्थळी धाव घेत मदतकार्य सुरू केले. अपघाताचे भीषण स्वरूप पाहून उपस्थित नागरिकही हादरून गेले. दुर्घटनेनंतर काही काळ निरा–मोरगाव मार्गावरील वाहतूक विस्कळीत झाली होती.
Ludhiana Train Accident: धावत्या वैष्णोदेवी स्पेशल ट्रेनमधून 1200 प्रवाशांचा डबा अचानक वेगळा; मोठा आवाज अन् एकच हलकल्लोळ, सुदैवाने भीषण अपघात टळला
बोडरे कुटुंबावर दु:खाचा डोंगर
या हृदयद्रावक घटनेमुळे बोडरे कुटुंबावर दुःखाचा डोंगर कोसळला असून सोमेश्वर व मुरूम परिसरात हळहळ व्यक्त केली जात आहे. या घटनेनंतर परिसरात शोककळा पसरली असून दोन्ही बहिणींच्या अकाली निधनाने हळहळ व्यक्त केली जात आहे. अक्षदा आणि सेजल या शिक्षणात हुशार व सर्वांच्या परिचयातील असल्याने त्यांच्या निधनाची बातमी समजताच नातेवाईक, मित्रमंडळी आणि ग्रामस्थांनी रुग्णालय व घटनास्थळी गर्दी केली. एका क्षणात दोन मुलींचा मृत्यू झाल्याने बोडरे कुटुंबावर मोठे दुःख कोसळले आहे.
दरम्यान, वडगाव निंबाळकर पोलिसांनी घटनास्थळी दाखल होत टेम्पो चालकाला ताब्यात घेतले आहे. अपघाताचे नेमके कारण अद्याप स्पष्ट झाले नसून या प्रकरणाचा पुढील तपास वडगाव निंबाळकर पोलीस करत आहेत.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा