नाशकात ट्विस्टवर ट्विस्ट

एकंदरीतच पाहता महायुतीकडून नाशिकमध्ये शिवसेनेचे नरेंद्र दराडे यांना महायुतीचे अधिकृत उमेदवार म्हणून जाहीर करण्यात आले आहे. आज मंत्री दादा भुसे आणि महायुतीतील मित्र पक्षातील आमदार पदाधिकारी यांच्या प्रमुख उपस्थितीमध्ये विधान परिषदेच्या निवडणुकीचा उमेदवारी दाखल केला आहे. गिरीश महाजन यांचे निकटवर्तीय समजले जाणारे तसेच भाजपचे नेते गणेश गीते यांनी देखील आपला भाजपकडून उमेदवारी अर्ज आणि एक अपक्ष उमेदवारी अर्ज दाखल केला होता. दरम्यान, असे असतानाच आज शेवटच्या अर्ध्यातासाआधी गणेश गीते यांचे बंधू गोकुळ गीते यांनी देखील अपक्ष म्हणून आपला उमेदवारी अर्ज हा दाखलं केला आहे. त्यामुळे आता या निवडणुकीमध्ये एक वेगळा ट्विस्ट यानिमित्ताने निर्माण झाला आहे.

“बिनविरोध होऊ नये म्हणून…”

गोकुळ गीते यांनी त्यांची भूमिका मांडत आपल्याला या निवडणुकीत समोर केवळ शिवसेना (शिंदे) हेच दिसत असून बिनविरोध निवडणूक होने हे घातक आहे, म्हणून मी आपला उमेदवारी अर्ज भरला असल्याचे गोकुळ गीते यांनी म्हटले आहे. आजपर्यंत नाशिक ह्या मतदार संघाचा जर इतिहास पाहिला तर ज्यांच्याकडे बहुमत नाही तोच उमेदवार आजपर्यंत या निवडणुकीत जिंकून आला आहे. मला या मतदारसंघाची रणनीती माहिती असून मी या निवडणुकीत शेवटपर्यंत टिकेल, असा विश्वास देखील त्यांनी यावेळी मांडत या निवडणुकीत आपली उमेदवारी कायम राहणार असल्याचं त्यांनी स्पष्ट केले आहे.

Kalyan Ice Cream Worm: आईस्क्रीम खाताना मुलाला धक्काच बसला, आत सापडला 3 इंचांचा किडा; कल्याणमध्ये खळबळ

विद्यमान आमदार हे लोकांच्या सुखा-दुःखात दिसले नाही. त्यांनी वयक्तिक विकास केला असे दिसत आहे, असे म्हणत गोकुळ गीते यांनी विद्यमान आमदार यांना टोला लगावला आहे. त्यामुळे मी सर्वांच्या भेटीगाठी घेणार असून त्यांना माझ्या बाजूने वळवण्याचा प्रयत्न करणार आहे असे देखील त्यांनी यावेळी स्पष्ट केले आहे.

इस्लाम पार्टीनेही दिला उमेदवार

गोकुळ गीते यांनी या निवडणुकीत उडी घेतल्याने या निवडणुकीत मोठा ट्विस्ट निर्माण झाला आहे. ही जागा मविआ मधील शिवसेनेकडे होती, मात्र ह्या निवडणुकीत होणाऱ्या घोडेबाजारामुळे ही जागा न लढविण्याचा निर्णय मविआने घेतला असल्याची माहिती उबाठाचे संपर्कप्रमुख रवींद्र मिर्लेकर यांनी दिली. मात्र आताचे महायुतीचे उमेदवार नरेंद्र दराडे हे त्यावेळच्या शिवसेनेकडून लढले होते निवडूनही आले होते, ह्या प्रश्नावर मात्र त्यांनी मौन पाळले. तर मालेगाव मधील केवळ 35 नगरसेवक असलेल्या इस्लाम पार्टीने ही निवडणूक बिनविरोध होऊ नये असे सांगत उमेदवार दिला आहे.

येत्या काळात ही निवडणुकीच्या रिंगणात काय घडामोडी होताना दिसून येतात हे बघणे महत्वाचे असणार आहे.