भगवान गोविंदराव बाबुले (४०) असे आरोपीचे नाव असून त्याच्यावर भाऊ प्रदीप गोविंदराव बाबुले (३७) याच्या हत्येचा आरोप आहे. दोघेही हिवरीनगर झोपडपट्टी परिसरात एकाच घरात आपापल्या कुटुंबासह वेगवेगळे राहात होते. दोघेही मजुरीचे काम करत होते. त्यापैकी प्रदीप हा फर्निचरचे काम करीत असे. काही दिवसांपूलाला एका कामाचे साडेचार हजार रुपये मिळाले होते. मात्र, हे पैसे हरवल्याचे त्याच्या लक्षात आले. पैसे सापडत नसल्याने प्रदीपने त्याचा संशय मोठा भाऊ भगवान याच्यावर घेतला. यावरून रविवारी रात्री दोघांमध्ये जोरदार वाद झाला.

वाद विकोपाला गेल्यानंतर संतापलेल्या भगवानने घरात पडलेल्या लोखंडी रॉडने प्रदीपच्या डोक्यावर वार केले. गंभीर जखमी झालेल्या प्रदीपचा जागीच मृत्यू झाला. घटनेनंतर परिसरात एकच खळबळ उडाली. माहिती मिळताच नंदनवन पोलिसांनी घटनास्थळी धाव घेत पंचनामा केला. मृतदेह शवविच्छेदनासाठी पाठविण्यात आला. या दोघांची बहीण विद्या अरईकर हिने दिलेल्या तक्रारीवरून नंदनवन पोलिसांनी आरोपी भगवान बाबुलेविरुद्ध खुनाचा गुन्हा दाखल करून त्याला अटक केली आहे. पुढील तपास सुरू आहे.

Maharashtra School News: राज्यातील शाळा उशिरा सुरू होणार? 15 जूनची तारीख पुढे ढकलली जाण्याची शक्यता; मंत्र्यांनी दिले स्पष्ट संकेत
तीन दिवसांतील दुसरी घटना
मोठ्या भावाने लहान भावाची हत्या करण्याची ही गेल्या तीन दिवसांतील दुसरी घटना आहे. हिंगणा पोलीस ठाण्याच्या हद्दीतील कटंगधरा येथे कौटुंबिक वादातून मोठ्या भावाने लहान भावाची हत्या केल्याची घटना शनिवारी उघडकीस आली होती. यात हरिश्चंद्र बाबुलाल पंधराम (३४) याने त्याचा लहान भाऊ शुभम याच्यावर झोपेतच लाकडी दांड्याने प्रहार करत त्याचा खून केला होता