राष्ट्रवादी काँग्रेस पक्षात अंतर्गत धुसफूस सुरू असल्याची चर्चा सुरू असतानाच पक्षातील काही नेते हे उपमुख्यमंत्री एकनाथ शिंदे यांच्या शिवसेनेच्या संपर्कात आहेत, असा गौप्यस्फोट मंत्री संजय शिरसाट यांनी केला. संजय शिरसाटांच्या वक्तव्यामुळे राज्यात पुन्हा राजकीय भूकंप येणार का अशा चर्चांनी जोर धरला होता. मात्र अशातच आता राष्ट्रवादीचे आमदार प्रताप पाटील चिखलीकर यांनी शिरसाटांना प्रत्युत्तर देत शिवसेनेचे कार्यकर्ते, पदाधिकारी आपल्याही संपर्कात असल्याचं म्हटलंय.