Nagpur News: हंसापुरीतील नाल साहब परिसरातील हमीद खान यांना गँगरिनच्या उपचारासाठी मेयो रुग्णालयात दाखल करण्यात आले होते.
हमीद खान यांना गँगरिनच्या उपचारासाठी मेयो रुग्णालयात दाखल करण्यात आले होते. डॉक्टरांनी त्यांच्या पायाची शस्त्रक्रिया करून तो कापणे आवश्यक असल्याचे सांगितले होते. त्यानुसार शस्त्रक्रिया पार पडली. वरिष्ठांची परवानगी घेऊन तीन ते चार दिवसांत पाय सुपूर्द केला जाईल, असे आश्वासन डॉक्टरांनी दिले होते, असे कुटुंबीयांचे म्हणणे आहे. १८ मे रोजी सकाळी ११ ते दुपारी १ वाजतादरम्यान शस्त्रक्रिया करण्यात आली. मात्र, त्याच रात्री हमीद खान यांचे उपचारादरम्यान निधन झाले. १९ मे रोजी त्यांच्यावर अंत्यसंस्कार करण्यात आले. त्यानंतर अंत्यसंस्कार विधीदरम्यान कापलेला पाय परत मिळाला नसल्याची माहिती कुटुंबीयांनी दिल्यानंतर हा वाद समोर आला.
Nagpur Police: गाडीत डिझेलच नाही; तुमची हरवलेली मुलगी कशी शोधू? पालकांना बेजबाबदार उत्तर देणाऱ्या ठाणेदाराला दणका
– म्हणून दिला नाही
मोमिनपुरा येथील नगरसेवक वसीम खान यांनी कुटुंबीयांसह मेयोचे अधिष्ठाता डॉ. रवी चव्हाण यांची भेट घेतली. चौकशीनंतर संबंधित अवयव शस्त्रक्रियेच्या दिवशीच भांडेवाडी येथे जैववैद्यकीय कचरा म्हणून विल्हेवाटीसाठी पाठवण्यात आल्याची माहिती देण्यात आली. डॉ. रवी चव्हाण यांनी सांगितले की, शस्त्रक्रियेनंतर संबंधित अवयव जैववैद्यकीय कचऱ्यात मोडतो आणि नियमांनुसार त्याची वैज्ञानिक पद्धतीने विल्हेवाट लावणे बंधनकारक असते. हा अपघातातील स्वच्छ ‘कट’ नसून गँगरिनसारखा संसर्गजन्य प्रकार होता. त्यामुळे नियमांनुसार तो अवयव कुटुंबीयांकडे सुपूर्द करता येत नाही. कुटुंबीयांच्या भावना लक्षात घेऊन काही पर्याय शोधण्याचा प्रयत्न झाला असण्याची शक्यता आहे. मात्र, कुटुंबीय चार दिवसांनी आले. त्यानंतर तो अवयव परत मिळवणे शक्य नव्हते, असे डॉ. चव्हाण यांनी स्पष्ट केले. तसेच, ‘वेळेत माझ्याकडे आले असते तर कुटुंबीयांच्या भावना लक्षात घेऊन काही मार्ग काढता आला असता’, असेही त्यांनी स्पष्ट केले.
Nagpur Accident: रात्रभर विटा भरल्या, पहाटे केबिनमध्ये झोपले; भरधाव ट्रक उलटून 3 मजूर दगावले, नागपूर हळहळलं
माफी मागावी…
या प्रकाराला रुग्णालय प्रशासन आणि संबंधित डॉक्टरांचा गंभीर निष्काळजीपणा असल्याचे नगरसेवक वसीम खान यांनी म्हटले असून, रुग्णालय प्रशासनाने लेखी माफी मागावी तसेच जबाबदारांवर कारवाई करावी, अशी मागणी केली आहे. रुग्ण आणि त्यांच्या कुटुंबीयांच्या धार्मिक भावना व श्रद्धांचा आदर राखणे ही रुग्णालय प्रशासनाची जबाबदारी असल्याचेही त्यांनी नमूद केले.
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा