अनिरुद्ध प्रशांत पाटील (वय १७, रा. एंजल स्कूलजवळ, चऱ्होली खुर्द) असे जखमी तरुणाचे नाव आहे. अनिरुद्ध बारावीमध्ये शिक्षण घेत असून, त्याला भारतीय नौदलात भरती व्हायचे होते. त्यासाठी तो नियमित सराव करीत होता. ‘तायक्वांदो’ या कराटे प्रकारातही तो पारंगत असल्याचे कुटुंबीयांनी सांगितले. पाटील कुटुंबाने २०१८मध्ये चऱ्होली येथे घर बांधले. वर्षभरापूर्वी ‘महावितरण’ने परिसरातील घरांच्या गच्चीजवळून उच्च विद्युत वाहक तार धोकादायक पद्धतीने टाकली. याबाबत परवानगी घेतली नसल्याचे स्थानिकांनी सांगितले.

Shivraj Motegaonkar : NEET पेपरफुटी प्रकरणात सर्वात मोठी अपडेट; RCC कोचिंग क्लासचे संचालक शिवराज मोटेगावकराला सीबीआयकडून अटक, मोठे खुलासे होणार
उन्हाळ्याचे दिवस असल्याने अनिरुद्ध चार मे रोजी रात्री गच्चीवर झोपण्यासाठी गेला होता. रात्री अकराच्या सुमारास उच्च विद्युत वाहक तारेच्या संपर्कात आल्याने त्याला जोरदार शॉक बसला आणि तो दूर फेकला गेला. यात तो गंभीररीत्या भाजला. घटनेनंतर त्याला सुरुवातीला भोसरीतील खासगी रुग्णालयात दाखल करण्यात आले. मात्र, उपचाराचा वाढता खर्च परवडत नसल्याने कुटुंबीयांनी त्याला डॉ. डी. वाय. पाटील रुग्णालयात हलविले.

Farmer News: महाराष्ट्रातील २० वर्षीय पठ्ठ्याची कमाल! शेतकऱ्यांचं नुकसान टाळण्यासाठी शोधला अनोखा पर्याय, CM नेही केलं कौतुक
‘महावितरण’ने परिसरातील रहिवाशांची कोणतीही परवानगी न घेता घरांच्या गच्चीजवळून धोकादायक पद्धतीने उच्च विद्युत वाहक तार टाकली. ‘महावितरण’चा निष्काळजीपणा माझ्या मुलाच्या जीवावर बेतला आहे. दोषींवर कठोर कारवाई व्हावी; तसेच उपचाराचा संपूर्ण खर्च करावा. -अर्चना पाटील, मुलाची आई

या प्रकरणाची ‘महावितरण’च्या समितीमार्फत चौकशी सुरू आहे. समितीचा अहवाल आल्यानंतर संबंधितांवर योग्य ती कारवाई करण्यात येईल. मुलाच्या उपचारासाठी सर्वतोपरी मदत केली जात आहे. कागदपत्रांची पूर्तता झाल्यानंतर आर्थिक मदत दिली जाईल. – राजेंद्र गोरे, उपकार्यकारी अभियंता, ‘महावितरण’