Nagpur Madgaon Express: सुट्ट्यांच्या काळात आणि पर्यटन हंगामात या गाडीला मिळणारी मोठी गर्दी पाहता तिचे कायमस्वरूपी रूपांतर करण्याचा निर्णय घेण्यात आला.
शनिवारी नागपूर रेल्वे स्थानकावर केंद्रीय मंत्री नितीन गडकरी यांच्या हस्ते हिरवा झेंडा दाखवत या गाडीच्या नियमित सेवेला औपचारिक सुरुवात करण्यात आली. या कार्यक्रमाला रेल्वे अधिकारी, लोकप्रतिनिधी आणि मोठ्या संख्येने प्रवासी उपस्थित होते. याआधी ही गाडी स्पेशल एक्स्प्रेस म्हणून चालवली जात होती.
ही एक्स्प्रेस कोकण रेल्वे मार्गे धावणार असल्याने प्रवाशांना निसर्गरम्य प्रवासाचा अनुभव घेता येणार आहे. हिरव्यागार दऱ्या, घाटमाथे, लांब बोगदे आणि समुद्रकिनाऱ्यालगतचा रेल्वेमार्ग यामुळे हा प्रवास पर्यटकांसाठी विशेष आकर्षण ठरणार आहे. विशेषतः गोवा आणि कोकणात पर्यटनासाठी जाणाऱ्या कुटुंबांना या गाडीचा मोठा फायदा होणार आहे.
या गाडीला वर्धा, अकोला, भुसावळ, नाशिक रोड, कल्याण, पनवेल, रोहा, माणगाव, खेड, चिपळूण, संगमेश्वर रोड, रत्नागिरी, राजापूर रोड आणि करमाळी यांसारख्या महत्त्वाच्या स्थानकांवर थांबा देण्यात आला आहे. त्यामुळे विदर्भ, उत्तर महाराष्ट्र, मुंबई परिसर आणि कोकणातील नागरिकांना थेट रेल्वे संपर्क उपलब्ध होणार आहे. विद्यार्थ्यांपासून व्यावसायिकांपर्यंत आणि नोकरदारांपासून पर्यटकांपर्यंत सर्व स्तरातील प्रवाशांना या निर्णयाचा लाभ मिळणार आहे.
दरवर्षी उन्हाळी सुट्ट्या, गणेशोत्सव, दिवाळी तसेच पर्यटन हंगामात नागपूर-गोवा मार्गावरील रेल्वे गाड्यांमध्ये मोठ्या प्रमाणात गर्दी होत असते. अनेकदा प्रवाशांना दीर्घ प्रतीक्षा यादीचा सामना करावा लागत होता. मात्र या गाडीच्या नियमितीकरणामुळे अतिरिक्त प्रवासी क्षमतेची सुविधा उपलब्ध होणार असून प्रवाशांचा ताण काही प्रमाणात कमी होण्याची अपेक्षा व्यक्त केली जात आहे.
रेल्वे प्रशासनाच्या या निर्णयामुळे केवळ प्रवासाची सुविधा वाढणार नाही, तर पर्यटन, व्यापार आणि सांस्कृतिक देवाणघेवाणीलाही चालना मिळणार आहे. विदर्भ आणि कोकण यांच्यातील अंतर आता अधिक कमी होणार असून नागपूर-मडगाव एक्स्प्रेस ही दोन्ही भागांना जोडणारी महत्त्वाचे ठरणार आहे.
लेखकाबद्दलअक्षय शितोळेअक्षय शितोळे हे २०१८ पासून डिजिटल मीडियात कार्यरत असून सध्या मटा ऑनलाइनमध्ये प्रिन्सिपल डिजिटल कंटेंट प्रोड्युसर म्हणून जबाबदारी सांभाळत आहेत. राज्यभरातील रिपोर्टर्ससोबत समन्वय साधत महाराष्ट्रातील गावगाड्यापासून मोठ्या शहरांमधील दैनंदिन घडामोडी मटा ऑनलाइनसाठी वेगवान आणि अचूक पद्धतीने मिळवण्याचा त्यांचा प्रयत्न असतो. राजकीय बातम्यांमध्ये विशेष रस, बातम्यांमागची बातमी अर्थात घडामोडींचा विश्लेषणात्मक आढावा घेण्याचा सातत्याने प्रयत्न असतो. शेती आणि ग्रामीण जीवन हे जिव्हाळ्याचे विषय आहेत.
पत्रकारितेतील अनुभव
अक्षय शितोळे यांनी २०१८ मध्ये आपल्या पत्रकारितेतील प्रवासाचा प्रारंभ केला. सुरुवातीला न्यूज १८ लोकमत या वेबसाईटसाठी काम करताना ट्रेनी, सब एडिटर असा त्यांचा प्रवास राहिला. या कार्यकाळात प्रामुख्याने राजकीय बातम्यांसह स्थानिक पातळीवरील विविध घडामोडी कव्हर करण्याचे काम त्यांनी केले. २०१९ च्या विधानसभा आणि लोकसभा निवडणुकीदरम्यान त्यांनी विविध राजकीय घडामोडींचा विश्लेषणात्मक आढावा घेतला. पुढे २०२१ मटा ऑनलाइनमध्ये डिजिटल कंटेट प्रोड्युसर म्हणून जॉइन झाले. यावेळी राजकीय बातम्यांसह विविध जिल्ह्यांतील प्रतिनिधींशी समन्वय ठेवत वेबसाईटसाठी वेगवान आणि अचूक बातम्या मिळवण्याचा त्यांचा प्रयत्न राहिला. तसंच मटा ऑनलाइनला २५ वर्षे पूर्ण झाल्याच्या पार्श्वभूमीवर त्यांनी महाराष्ट्राच्या दोन दशकांच्या सामाजिक वाटचालीचा आढावा घेणारा विशेष लेख लिहिला होता. “आरक्षणाचे लढे आणि तिढे, टोकदार जातीय अस्मिता ; २५ वर्षांत कसं ढवळून निघालं महाराष्ट्राचं समाजमन?” शीर्षकाखाली लिहिलेल्या या लेखाच्या माध्यमातून महाराष्ट्रात मागील २५ वर्षांत जी सामाजिक स्थित्यंतरे झाली, ज्या घटनांनी महाराष्ट्राच्या सामाजिक रचनेवर परिणाम केला, अशा घडामोडींचा सविस्तर आढावा घेतला होता. २०२३ मध्ये त्यांनी लोकमत ऑनलाइनसोबतही काम केले असून ते २०२५ पासून पुन्हा मटा ऑनलाइनमध्ये प्रिन्सिपल डिजिलट कंटेंट प्रोड्युसर म्हणून रुजू झाले. विविध जिल्ह्यांतील रिपोर्टर्ससोबत संवाद साधत स्थानिक घडामोडींसह राज्यभरात महत्त्वाच्या बातम्या कव्हर करण्याचा त्यांचा प्रयत्न असतो. तसंच विश्लेषणात्मक व्हिडिओच्या माध्यमातून राजकीय घटनांचे अन्वयार्थ प्रेक्षकांसमोर उलगडण्याचा त्यांचा प्रयत्न असतो. महाराष्ट्रात २०२५-२६ साली झालेल्या स्थानिक स्वराज्य संस्थांच्या निवडणुकीदरम्यान त्यांनी विविध विश्लेषणात्मक व्हिडिओंच्या माध्यमातून राजकीय घडामोडींचं सोप्या शब्दांत विश्लेषण केले. तसंच महानगरपालिका निवडणूक निकालानंतर राजकीय विश्लेषकांची मुलाखत घेत या निवडणूक निकालाचा वेध घेण्याचा प्रयत्न केला.
मुलाखतीची लिंक: Uddhav Thackeray यांचा BMC मध्ये का झाला पराभव? सविस्तर विश्लेषण – https://youtu.be/8UeV9w1vwxQ?si=2sMWoovyx07EpjVU
शैक्षणिक पात्रता
अक्षय शितोळे यांनी १२ वी पर्यंतचे शिक्षण आपल्या मूळ गावी घेतले असून नंतर त्यांनी मुंबई येथील नामांकित असलेल्या रुईया महाविद्यालयातून पत्रकारितेतील पदवी (Bachelor of mass media) चे शिक्षण पूर्ण केले.… आणखी वाचा