Railway Block Update: दौंड-मनमाड रेल्वे मार्गावरील दुहेरीकरणाच्या कामामुळे पुणे-नागपूर एक्सप्रेससह अनेक गाड्या १५ ते १९ मेदरम्यान रद्द करण्यात आल्या आहेत. काही गाड्यांचे मार्ग आणि वेळापत्रकातही बदल करण्यात आले आहेत.
ब्लॉक घेण्यामागचे कारण?
दौंड-मनमाड मार्गाचे दुहेरीकरण सुरू असून तांत्रिक कामांसाठी हा ब्लॉक घेण्यात आला आहे. रेल्वे प्रशासनाच्या माहितीनुसार, मार्गावरील सुरक्षितता वाढवणे आणि गाड्यांचा वेग सुधारण्यासाठी ही कामे केली जात आहेत. मात्र, यामुळे पुण्यातून उत्तर भारत आणि विदर्भाकडे जाणाऱ्या प्रवाशांची मोठी गैरसोय होण्याची शक्यता आहे.
लांब पल्ल्यांच्या गाड्यांचे मार्ग बदलले
काही लांब पल्ल्याच्या गाड्यांचे मार्ग बदलण्यात आले आहेत. हडपसर-नांदेड एक्सप्रेस आता दौंड-कुर्डुवाडी-लातूर रोड मार्गे धावणार आहे. निजामुद्दीन-यशवंतपूर एक्सप्रेस मनमाड-कल्याण-पनवेल-लोणावळा मार्गे पुण्यात येणार आहे. पुणे-अमरावती एक्सप्रेसलाही लातूर रोडमार्गे वळवण्यात आले आहे. तर पुणे-गोरखपूर आणि पुणे-बनारस एक्सप्रेस लोणावळा-कर्जत-पनवेल-कल्याण-नाशिक रोड मार्गे धावतील. त्यामुळे अहमदनगर आणि कोपरगाव येथील थांबे रद्द करण्यात आले आहेत.
Mumbai-Hyderabad Bullet Train: अवघ्या 50 मिनिटांत पुणे! मुंबई-हैदराबाद बुलेट ट्रेनचा मार्ग निश्चित, पंढरपूर-सोलापूरला होणार मोठा फायदा
नेक गाड्या पूर्णपणे रद्द
दरम्यान, अनेक गाड्या पूर्णपणे रद्द करण्यात आल्या आहेत. पुणे-नागपूर एक्सप्रेस १५ ते १८ मे दरम्यान धावणार नाही. पुणे-गोरखपूर विशेष गाडी १५ ते १९ मेपर्यंत दोन्ही दिशांनी रद्द करण्यात आली आहे. पुणे-दानापूर विशेष १६ आणि १७ मे रोजी रद्द असेल. दादर-साईनगर शिर्डी गाडीही १६ आणि १७ मे रोजी रद्द करण्यात आली आहे. जबलपूर-पुणे विशेष १७ आणि १८ मे रोजी धावणार नाही. अहमदनगर-बीड डीएमयू गाडीही काही दिवसांसाठी रद्द करण्यात आली आहे.
काहींचे वेळापत्रक बदलले
काही गाड्यांच्या वेळापत्रकातही बदल करण्यात आले आहेत. पुणे-हावडा दुरंतो एक्सप्रेस १८ मे रोजी अर्धा तास उशिराने सुटणार आहे. गाझीपूर सिटी-हडपसर स्पेशल तब्बल चार तास उशिराने धावणार आहे. निजामुद्दीन-वास्को एक्सप्रेसलाही प्रवासादरम्यान काही ठिकाणी थांबवून चालवले जाणार आहे.
रेल्वे प्रशासनाने प्रवाशांना प्रवासापूर्वी गाडीचे वेळापत्रक तपासण्याचे आवाहन केले आहे. अधिकृत संकेतस्थळ आणि NTES अॅपवर माहिती पाहूनच प्रवासाचे नियोजन करावे, असे मध्य रेल्वेकडून सांगण्यात आले आहे.
लेखकाबद्दलसुनिल लाटेसुनिल प्रभाकर लाटे महाराष्ट्र टाइम्स ऑनलाइनमध्ये कन्सल्टंट पदावर कार्यरत आहेत. गेली तीन वर्षे पत्रकार म्हणून त्यांनी प्रत्यक्षपणे काम केलं आहे, ज्यामध्ये त्यांनी लोकसत्ता ऑनलाईनमध्ये (मुंबई) इंटर्न म्हणून पत्रकारिता सुरू केली.
मेन डेस्क
इंटर्न म्हणून रुजू झाल्यानंतर संबंधित संपादकांनी दिलेली प्रत्येक जबाबदारी काळजीपूर्वक पार पाडली. सहा महिने मेन डेस्कसाठी सर्व बीटच्या बातम्यांचे काम केले.
फोटोगॅलरी, वेबस्टोरी
तिथंच त्यांना फोटोगॅलरी आणि वेबस्टोरी या विभागात काम करण्याची संधी मिळाली. त्या संधीचे सोने करत त्यांनी अतिशय दर्जेदार काम केले. लोकसत्तामध्ये काम करताना, राजकारण, मनोरंजन, क्रीडा या विषयावर सातत्याने बातम्यांचे लिखाण केल्याने त्यातील आवड खूप वाढली.
शिक्षण
सुनिल यांनी पत्रकारितेचे शिक्षण घेतले आहे. त्यांनी बीए आणि एमएपर्यंतच शिक्षण डॉ. बाबासाहेब आंबेडकर मराठवाडा विद्यापीठाच्या पत्रकारिता विभागातून पूर्ण केले आहे. दरम्यानच्या काळात त्यांनी स्थानिक वृत्तपत्रांसाठी शैक्षणिक बीट सांभाळत बातम्या लिहल्या.
जाहिरात क्षेत्रात काम
याशिवाय सुनिल यांना फोटोग्राफी, व्हिडिओ संपादन, ग्राफिक्स डिझाइनचीही आवड आहे. या आवडीला जोपासण्यासाठी त्यांनी पत्रकारिता विभागाशी संबंधित असलेल्या जाहिरात या क्षेत्रात काम केले आहे. ही काम त्यांनी स्वतःच्या आनंदासाठी केले. ज्यातून त्यांचा मोठा जनसंपर्क वाढला. काही पैसेही मिळवता आले.
दिग्दर्शन, संगीत
कॉलेज जीवनात त्यांनी तीन लघुपट बनवले, ज्याचे कॅमेरा, पटकथा आणि दिग्दर्शनही त्यांनी स्वतःच केले आहे. त्यांना संगीत क्षेत्रातही खास रस आहे. काव्यलेखन, गीत लेखन, सादरीकरण केलेले त्यांचे व्हिडिओ युट्यूबवर व्हायरल झालेले आहेत.
पत्रकारिता क्षेत्रातील उत्कंठा, उत्साह द्विगुणित
दरम्यान, महाराष्ट्र टाइम्स ऑनलाइनमध्ये संधी मिळाल्यानंतर हायपर लोकल बातम्यांचे काम करण्याचा अनुभव मिळाला. ज्यामध्ये क्राइमसह विविध महत्वाच्या आणि मोठ्या बातम्या लिहायचेही तंत्र त्यांनी विकसित केले. मटा ऑनलाईनमध्ये काम करताना सुनिल यांची पत्रकारिता क्षेत्रातील उत्कंठा, उत्साह द्विगुणित झाला आहे, कारण इथेही सहकाऱ्यांचे सहकार्य आणि संपादकांचे, वरिष्ठांचे, शिफ्ट इन्चार्ज यांचे अनमोल मार्गदर्शन वेळोवेळी मिळत राहते. महाराष्ट्र टाइम्स ऑनलाइनने पत्रकार म्हणून घडण्याची आणखी एक खूप मोठी सुवर्णसंधी दिल्याचे सुनिल मानतात.… आणखी वाचा