पंकज शामराव मेंढे (वय ४५), शीतल पंकज मेंढे (वय ४०), माधुरी ईश्वरदास भेंडारकर (वय ५८), छाया भूपेश ब्राह्मणकर (वय ४५), रेखा केवळराम हेमने (वय ६३), केवळराम भदूजी हेमने (वय ७२) व यशस्वी प्रकाश मेंढे (वय १२, सर्व रा. नागपूर), अशी जखमींची नावे आहेत. हे सर्वजण विवाह समारंभासाठी गेले होते.

Raigad News : पर्यटकांसाठी मोठी बातमी; अलिबाग फेरीला पावसाळी ब्रेक, कधीपासून सेवा बंद? पर्यटकांची नाराजी
अपघात होताच परिसरातील तरुणांनी तत्काळ घटनास्थळी धाव घेत जखमींना वाहनातून बाहेर काढले. तई येथील युवकांनी जखमींना तातडीने उपचारासाठी पालांदूर ग्रामीण रुग्णालयात दाखल केले. मात्र, त्याचवेळी वादळी पावसामुळे वीजपुरवठा खंडित झाल्याने रुग्णालय अंधारात बुडाले होते.

मोबाइलसह वाहनांच्या लाइटमध्ये उपचार
पालांदूर ग्रामीण रुग्णालयात वीज नसल्याने वैद्यकीय अधिकारी डॉ. श्रीरामे व त्यांच्या सहकाऱ्यांनी मोबाइलच्या टॉर्च तसेच चारचाकी वाहनांच्या हेडलाइटच्या प्रकाशात जखमींवर प्राथमिक उपचार केले. त्यानंतर अत्यावश्यक आरोग्यवाहिनीद्वारे सर्व जखमींना पुढील उपचारासाठी जिल्हा सामान्य रुग्णालय भंडारा येथे हलविण्यात आले. पालांदूर ग्रामीण रुग्णालयात वारंवार वीजपुरवठा खंडित होत असल्याने त्याचा येथील रुग्णसेवेवर गंभीर परिणाम होत आहे.

HSRP ला पुन्हा मुदतवाढ, आता दीड महिन्यांचा अवधी; पाटीचा दर्जा खराब, भुर्दंडावर वाहन चालक-मालक संतापले
गेल्या २० महिन्यांपासून स्वतंत्र विद्युत फीडर, जनरेटर व इन्व्हर्टरची मागणी करण्यात येत आहे. मात्र, निधीअभावी हा प्रश्न अद्यापही प्रलंबित असल्याने नागरिकांमध्ये तीव्र नाराजी व्यक्त होत आहे. आपत्कालीन परिस्थितीत आरोग्य यंत्रणा अक्षरशः अंधारात काम करीत असल्याचे वास्तव या घटनेतून समोर आले