पोलिसांनी दिलेल्या माहितीनुसार, स्वप्नाली घेवारी असे मृत तरुणीचे नाव असून ती खारघरच्या नॅशनल इन्स्टिट्यूट ऑफ फॅशन टेक्नॉलॉजी येथे शिकत होती. स्वप्नाली मूळची पुण्याच्या मंचर तालुक्यातील आंबेगावची रहिवासी आहे. तिचे वडील सुनील शेतकरी असून शेतीवरच या कुटुंबाचा उदरनिर्वाह चालतो. स्वप्नाली गेल्या चार महिन्यांपासून वरळी येथील महालक्ष्मी इमारतीत अन्य दोन तरुणींसह भाड्याने वास्तव्यास होती. सुनील यांचा स्वभाव संशयी होताच. मात्र त्यांना दारूचे व्यसनही होते. त्यामुळे त्यांचे आणि पत्नी स्वाती यांच्यात वारंवार वाद व्हायचे.

NCP Politics: राष्ट्रवादीतून प्रफुल्ल पटेल पदच्युत; राष्ट्रीय अध्यक्ष सुनेत्रा पवार यांच्या नव्या पत्रातून शिक्कामोर्तब
१ मे रोजी रात्री त्यांना स्वप्नालीने वरळी येथील निवासस्थानी गळफास घेतल्याचे समजले. त्या नायर रुग्णालयात आल्या. मुलीच्या आत्महत्येमुळे त्या मानसिकरित्या खचल्या होत्या. अंत्यसंस्कार पार पडल्यानंतर त्यांना स्वप्नालीने वडील सुनील यांच्या संशयी स्वभावाला आणि जाचाला कंटाळून आत्महत्या केल्याचे समजले.

आत्महत्येपूर्वी सुनील व स्वप्नाली यांच्यात फोनवरून वाद झाले. त्यानंतर स्वप्नालीने व्हिडीओ कॉल करत वडिलांच्या देखत गळफास घेतला. गळफास घेतल्यानंतर सुनील यांनी पत्नी स्वाती यांचे माहेर गाठून त्यांच्या भावाला हा प्रकार सांगितला. आता स्वातीचाही काटा काढतो, अशी धमकी दिली. त्याआधारे स्वाती यांनी तक्रार दिल्याचे पोलिसांनी सांगितले.

Bird Flu In Maharashtra: चिकन प्रेमींनो सावधान! राज्यात बर्ड फ्लूचं थैमान, नंदुरबारमध्ये आतापर्यंत 4 लाख कोंबड्या, 21 हजार अंडी केली नष्ट
तर दुसऱ्या एका घटनेत, मित्रांसोबत इर्शाळगड येथे ट्रेकिंगसाठी गेलेल्या डोंबिवली येथील एका २० वर्षीय तरुणाचा दुदैवी मृत्यू झाला. रितेश कोणका असे मृत तरुणाचे नाव आहे.डोंबिवली येथील रितेश हा पाच मित्रांसोबत खालापूर तालुक्यातील इर्शालगडावर गेला होता. सोमवारी दुपारी डोंगरावर रितेश अचानक बेशुद्ध पडला. मित्रांनी डोंगराखालील रहिवाशांना कळवताच, त्यांनी धाव घेतल्याते सामाजिक कार्यकर्ते सौरभ घरत यांनी सांगितले. पोलिस तसेच बचाव पथकाला कळवण्यात आले. रितेशला चादरीची झोळी करून खाली आणण्यात आले. रुग्णवाहिकेतून चौक येथील ग्रामीण रुग्णालयात नेले असता, त्याचा मृत्यू झाल्याचे डॉक्टरांनी सांगितले. रितेश हा डोंबिवली येथील एसआय कॉलेजचा विद्यार्थी असून तो कोपर येथील रहिवासी आहे.