मिळालेल्या माहितीनुसार, बापू जाधव हे अल्पभूधारक शेतकरी असून, त्यांची शेती बिजोटे-जायखेडा रस्त्यावरील गट क्रमांक १७१ मध्ये आहे. त्यांच्या कुटुंबाचा उदरनिर्वाह पूर्णतः शेतीवर अवलंबून आहे. शेतात काढून ठेवलेला कांदा उघड्यावर असल्याने वातावरणात अचानक बदल होताच त्यांची चिंता वाढली होती. दरम्यान, ते नातेवाइकांच्या लग्नसमारंभासाठी नामपूर येथे गेले होते. दुपारनंतर वादळी वारे सुरू झाल्याने आणि पावसाची चिन्हे दिसू लागल्याने त्यांनी तातडीने आपल्या लुना वाहनाने शेताकडे धाव घेतली. कांद्याच्या पोळ्या झाकण्यासाठी ते निघाले होते.

SSC Result 2026 Success Story: अपघाताच्या वेदनेवर हिमतीने मात; रुग्णवाहिकेतून परीक्षा देऊन नाशिकच्या हर्षलने 10वीत मिळवले 77 टक्के
वादळाच्या तडाख्याने मृत्यूला गाठले
बिजोटेजवळील छत्रपती शिवाजी महाराज महाविद्यालय परिसरात पोहोचताच वादळाच्या तडाख्याने झाडाची मोठी फांदी बापू जाधव यांच्या अंगावर कोसळली. या अपघातात ते गंभीर जखमी झाले, तर त्यांची लुना काही अंतरावर जाऊन पडली. आवाज ऐकून परिसरातील शेतकरी मदतीला धावले. सरपंच पोपट जाधव यांनी जायखेडा पोलिसांना माहिती दिली. त्यानंतर ग्रामस्थांनी जखमी बापू जाधव यांना रुग्णवाहिकेतून नामपूर ग्रामीण रुग्णालयात दाखल केले. मात्र, वैद्यकीय अधिकारी डॉ. स्वराज देशमुख यांनी तपासणीनंतर त्यांना मृत घोषित केले.

Nida Khan : निदा खानला लपवणारा MIM नगरसेवक मतीन पटेल याच्यावर गुन्हा, कोणत्याही क्षणी अटकेची शक्यता
ग्रामीण रुग्णालयात शवविच्छेदन करून मृतदेह नातेवाइकांच्या ताब्यात देण्यात आला. सहायक पोलिस निरीक्षक सागर काळे यांच्या मार्गदर्शनाखाली शैलेंद्र बच्छाव पुढील तपास करीत आहेत. सायंकाळी बिजोटे येथे शोकाकुल वातावरणात त्यांच्यावर अंत्यसंस्कार करण्यात आले.