Lokhandwala to Vikhroli Metro: पश्चिम रेल्वेवरील 10 तासांच्या ब्लॉकदरम्यान मेट्रो लाइन 6साठी 3 गर्डर उभारण्यात आले. मुंबईतील पूर्व आणि पश्चिम उपनगरांना जोडणारी ही एक महत्त्वाची मार्गिका आहे.
कसे उभारले गर्डर?
जोगेश्वरी आणि राम मंदिर स्थानकांदरम्यान घेण्यात आलेल्या मेगा ब्लॉकदरम्यान हे काम पार पडले. 2 आणि 3 मे 2026च्या मध्यरात्री, राम मंदिर ते जोगेश्वरी स्थानकादरम्यान प्रत्येकी 32 मीटर लांबीचे आणि सुमारे 110 मेट्रिक टन वजनाचे असे तीन गर्डर यशस्वीरीत्या बसविण्यात आले. या कामासाठी सहाव्या लाईन आणि शंटिंग लाईनवर 10 तासांचा ट्रॅफिक व पॉवर ब्लॉक घेण्यात आला होता. तसेच, अप फास्ट लाईन आणि पाचव्या लाईनवर अनुक्रमे 3 तास आणि 5 तासांचा ब्लॉक घेण्यात आला. विशेष म्हणजे, नियोजित वेळेपेक्षा तब्बल 30 मिनिटे आधी हे काम पूर्ण करण्यात आले.
Vadhavan Port: वाढवण बंदराला चालना! पालघर जिल्ह्यातील 124 ग्रामस्थांनी स्वेच्छेने जमीन सोपवली; कसा होणार बंदराचा विकास?
या संपूर्ण कामासाठी रेल्वे कर्मचारी आणि कंत्राटी कर्मचाऱ्यांसह एकूण 110 जणांची टीम कार्यरत होती. काम सुरळीत आणि सुरक्षितरीत्या पार पाडण्यासाठी अत्याधुनिक यंत्रसामग्रीचा वापर करण्यात आला. यात 600 टन क्षमतेचा एक क्रेन, 500 टन क्षमतेचे दोन क्रेन, तसेच प्रत्येकी 500 टन क्षमतेचे दोन स्टँडबाय क्रेन, दोन हायड्रा, दोन जेसीबी, एक मटेरियल लिफ्टर आणि दोन टॉवर वॅगन यांचा समावेश होता. या यशस्वी कामगिरीमुळे मेट्रो लाईन 6 च्या प्रगतीला वेग मिळणार असून, मुंबईतील वाहतूक व्यवस्थेतही भविष्यात मोठा दिलासा मिळण्याची अपेक्षा व्यक्त केली जात आहे.
पिंक लाइन म्हणून ओळखली जाणारी मुंबई मेट्रो लाइन 6 मुंबईतील पूर्व आणि पश्चिम उपनगरांना जोडणार आहे. हा मार्ग लोखंडवाला (स्वामी समर्थ नगर) ते विक्रोळी (पूर्व द्रुतगती महामार्ग) दरम्यान उभारण्यात येत आहे. सुमारे 14.5 किलोमीटर लांब उन्नत मार्गिकेवर 13 स्थानकं आहेत. हा मार्ग मुंबईतली इतर मेट्रो लाइन आणि रेल्वे मार्गांना जोडणारा एक मुख्य मार्ग आहे. लोखंडवाला ते विक्रोळी प्रवासाला सध्या 1 तास ते 90 मिनिटे घेतो, तो मेट्रोमुळे अवघ्या 30-35 मिनिटांत पूर्ण होईल.
Santacruz-Chembur Link Roadचा अंतिम टप्पा पूर्ण होणार! पश्चिम-पूर्व द्रुतगती महामार्ग सिग्नल-मुक्त प्रवास कधीपासून शक्य?
मेट्रो मार्ग 6 स्थानकांची यादी:
1. स्वामी समर्थ नगर (लोखंडवाला): हे या मार्गाचे सुरुवातीचे स्थानक आहे. (मेट्रो 2अ शी जोडणी)
2. आदर्श नगर
३. जोगेश्वरी (पश्चिम): हे स्थानक पश्चिम रेल्वेच्या जोगेश्वरी रेल्वे स्थानकाच्या जवळ आहे.
4. जेव्हीएलआर (JVLR) जंक्शन: (मेट्रो 7शी जोडणी)
5. श्याम नगर
6. महाकाली लेणी (Mahakali Caves)
7. सीप्झ व्हिलेज (SEEPZ Village): (मेट्रो 3 – ‘अॅक्वा लाईन’शी जोडणी)
8. साकी विहार रोड
9. रामबाग (पवई)
10. पवई तलाव (Powai Lake)
11. आयआयटी पवई (IIT Powai)
12. कांजूरमार्ग (पश्चिम): हे स्थानक मध्य रेल्वेच्या कांजूरमार्ग रेल्वे स्थानकाजवळ आहे. (मेट्रो 4 – ‘ग्रीन लाईन’शी जोडणी)
13. विक्रोळी (पूर्व द्रुतगती महामार्ग): हे या मार्गाचे शेवटचे स्थानक आहे.
लेखकाबद्दलसानिया कदमसानिया कदम या सध्या ‘मटा ऑनलाईन’मध्ये गेल्या सहा महिन्यांपासून कन्सल्टंट पदावर कार्यरत आहेत. २०२५ मध्ये बॅचलर्सचे शिक्षण पूर्ण करून त्यांनी नुकताच पत्रकारितेच्या क्षेत्रात प्रवेश केला आहे. लोकल बातम्या, लाइव्ह ब्लॉग कव्हरेज, गुन्हेगारी, आंतरराष्ट्रीय घडामोडी तसेच इन्फ्रास्ट्रक्चर व नागरी विकासाशी संबंधित बातम्यांमध्ये त्यांना विशेष रस आहे.
पत्रकारितेतील व्यावसायिक कामाची ही त्यांची पहिलीच वेळ असली, तरी त्यांच्या पत्रकारितेच्या प्रवासाची सुरुवात महाराष्ट्र टाइम्स प्रिंटमधून झाली. २०२४ मध्ये मुलुंड वाणिज्य महाविद्यालयातून बीएमएमचे शिक्षण घेत असताना प्राध्यापकांकडून त्यांची कॉलेज क्लब रिपोर्टर म्हणून नियुक्ती झाली आणि तेव्हाच ‘मटा’शी त्यांचा पहिला संबंध जोडला गेला.
यानंतर त्यांनी अनेक महिन्यांपर्यंत महाराष्ट्र टाइम्सच्या ‘मुंबई टाइम्स’ पुरवणीसाठी लेखन केले. कॉलेज विद्यार्थ्यांच्या दैनंदिन समस्या, सोशल मीडियावरील ट्रेंड्स तसेच एआयच्या वाढत्या प्रभावावर त्यांनी अनेक लेख लिहिले. सोशल मीडियावर गाजलेल्या ‘घिबली आर्ट’ ट्रेंडवर तसेच परीक्षेच्या काळात विद्यार्थ्यांच्या आयुष्यात वाढत्या एआयच्या वापराबाबत लिहिलेल्या लेखांचे विशेष कौतुक झाले. या काळात महाराष्ट्र टाइम्स प्रिंटच्या विविध कार्यक्रमांमध्ये सहभागी होत त्यांनी वृत्तांकनासाठीही हातभार लावला. २०२५ मधील ‘माय मराठी कला संगम’ तसेच महाराष्ट्र टाइम्सच्या ‘शोध युवा प्रतिमेचा’ या विशेष कार्यक्रमांचे त्यांनी वृत्तांकन केले. विद्यार्थ्यांशी आणि नव्या पिढीशी जोडून घेणाऱ्या, त्यांच्या दृष्टिकोनातून बातम्या मांडण्याचा त्यांचा नेहमीच प्रयत्न राहिला.
२०२५ मध्ये बीएमएमचे शिक्षण पूर्ण केल्यानंतर त्यांनी के.सी. महाविद्यालयातून एमए इन जर्नलिझमला प्रवेश घेतला आणि त्याचवेळी ‘मटा ऑनलाईन’मध्ये काम सुरू केले. येथे त्यांनी लोकल बातम्या, लाइव्ह ब्लॉग अपडेट्स, इन्फ्रास्ट्रक्चर व विकासकामे, तसेच सरकारी धोरणे यांवर विशेष प्राविण्य मिळवले.
लहानपणापासूनच मराठी आणि इंग्रजी भाषेत वाचन-लेखनाची आवड असल्याने इंग्रजी भाषेवर त्यांचे विशेष प्रभुत्व आहे. त्यामुळे इंग्रजीतील गुंतागुंतीच्या बातम्या मराठी वाचकांसाठी सोप्या, समजण्यासारख्या भाषेत मांडण्याचा त्यांचा सातत्यपूर्ण प्रयत्न असतो. डिग्रीपर्यंतचं शिक्षण इंग्रजी माध्यमातून केलं असून संपूर्ण महाविद्यालयात प्रथम क्रमांक पटकावला. शेवटच्या वर्षी, न्यूजरूम नावाच्या प्रोजेक्टसाठी एका वृत्तपत्राच्या संपादकांची मुलाखत घेणं आवश्यक होतं. त्यावेळी, मुंबई चौफेरचे संपादक श्री. प्रफुल्ल फडके यांची मुलाखत घेतली. या मुलाखती दरम्यान त्यांनी आपल्या 30 वर्षांच्या मराठी भाषेतील पत्रकारीतेच्या अनुभवाबद्दल सांगितलं. त्यावेळी मराठी माध्यमातून पत्रकारिता करण्याची आवड निर्माण झाली. नंतर महाराष्ट्र टाईम्स प्रिंटमधल्या अनुभवामुळे ही आवड आणखी वाढली.… आणखी वाचा