मध्य महाराष्ट्र आणि मराठवाडा येथे उष्णतेच्या लाटांच्या दिवसांमध्ये वाढ होण्याची शक्यता आहे. विदर्भामध्ये सरासरीपेक्षा कमी उष्णतेच्या लाटा येतील, असाही अंदाज भारतीय हवामान विभागाने वर्तवला आहे. कोकणाच्या तुरळक भागात उष्णतेच्या लाटेचे दिवस सरासरीहून अधिक असू शकतील. कोकणामध्ये कमाल तापमान सरासरीपेक्षा अधिक असण्याची शक्यता आहे, तर किमान तापमानही कोकण विभागात सरासरीहून अधिक असू शकेल. ठाणे जिल्ह्यात तुरळक ठिकाणी याची तीव्रता अधिक वाढण्याची शक्यता आहे. दरम्यान, येत्या महिनाभरात देशातील बहुतांश भागांमध्ये आर्द्रतेचे प्रमाण अधिक राहिल्याने किमान तापमान अनेक ठिकाणी सरासरीपेक्षा जास्त असेल.

Mumbai Watermelon Deaths : मेंदू, हृदय, आतडं… चौघांचेही अवयव हिरवे, मुंबईतील विषबाधा केसला कलाटणी, सात वर्ष जुन्या साक्षीशी संबंध?
अंदमानच्या समुद्रात १४ ते १६ मे दरम्यान मान्सून आगमन
मे महिन्यात देशभरातील सरासरी पर्जन्यमान सामान्यपेक्षा अधिक असेल. अंदमान-निकोबार बेटांवर नैऋत्य मोसमी पावसाचे आगमन १४ ते १६ मेच्या सुमारास अपेक्षित आहे. पूर्व, ईशान्य आणि पूर्व-मध्य भारतातील काही भागांत सामान्यपेक्षा कमी पाऊस अपेक्षित आहे.

Vidhan Parishad : झिशान सिद्दीकींच्या उमेदवारीसाठी बॉलिवूड सुपरस्टारचा फोन, राष्ट्रवादीच्या गोटात चर्चा, कार्यकर्ते नाराज
एल निनोच्या निर्मितीला चालना
प्रशांत सध्या विषुववृत्तीय महासागरावरील ‘एल निनो सदर्न ऑसिलेशन’ (ईएनएसओ) तटस्थ परिस्थितीचे एल निनो सक्रिय परिस्थितीत रूपांतर होत आहे. मध्य प्रशांत महासागरातील पाण्याचे तापमान वाढत आहे. नैऋत्य मोसमी पावसाच्या हंगामात एल निनो परिस्थिती सक्रिय होण्याचे संकेत आहेत.