पोलिसांनी दिलेल्या माहितीनुसार, ५५ वर्षीय रामकुमार हे सांताक्रूझ येथे वास्तव्यास आहेत. २ एप्रिल रोजी त्यांना कुरीअर कंपनीचा कर्मचारी बोलत असल्याचे सांगत एकाने फोन केला. तुमच्या नावाने बँकॉक येथे पाठविलेले पार्सल कस्टम विभागाने पकडले आहे. यामध्ये एमडी ड्रग्ज, काही पासपोर्ट व इतर साहित्य सापडल्याचे सांगितले.

Vidhan Parishad Election : मला ‘सतरंजी उचले’ म्हणण्यात ज्यांना… विधान परिषदेवर संधी न मिळाल्याने ट्रोल, भाजपच्या केशव उपाध्येंचं टीकाकारांना उत्तर
या पार्सलशी आपला काहीच संबंध नसल्याचे रामकुमार यांनी सांगितले. त्यावर पोलिसांना फोन देतो, असे सांगून या कर्मचाऱ्याने फोन ट्रान्सफर केला. त्या तोतया पोलिसानेही पाच पासपोर्ट सापडले म्हणजे मानवी तस्करी आणि ड्रग्ज तस्करीत तुमचा सहभाग उघड झाल्याची भीती दाखवली.
याप्रकरणी गुन्हा दाखल करण्यात आला असून तुम्हाला अटक केली जाऊ शकते, असाही इशारा दिला. या व्यक्तीचा विश्वास बसावा, यासाठी त्याने सीबीआय, आरबीआय अधिकाऱ्यांचे सही शिक्के असलेली कागदपत्रे पाठवली.

कागदपत्रे पाहून घाबरलेल्या रामकुमार यांनी आपली प्रकृती ठीक नसून दोन दिवसांआड डायलिसिस करावे लागत असल्याचे सांगितले. त्यावर रुग्ण असलात तरीही चौकशीला सामोरे जावे लागेल, असे तोतया सीबीआय अधिकाऱ्याने सांगितले. रुग्ण असल्याने तुम्हाला सवलत देत असून केवळ डिजिटल अटकेत ठेवत असल्याचा त्याने बनाव केला. त्यानंतर व्हीडीओ कॉल करून सतत समोर राहण्याचे सांगत रामकुमार यांच्याकडून १.६७ कोटी रुपये वेगवेगळ्या बॅंक खात्यांवर वळते करून घेतले.

MLC Election NCP Candidate : काँग्रेसकडून निलंबन, ‘मातोश्री’च्या अंगणात पराभव; झिशान सिद्दीकी राष्ट्रवादीकडून विधान परिषदेवर
यासाठी रामकुमार यांनी १२ म्युच्युअल फंड मोडले, सरकारी बाँडही विकले. त्यानंतरही तोतया अधिकाऱ्यांनी पैशांची मागणी सुरूच ठेवली आणि रामकुमार यांच्यावर आईचे दागिने विकून आणखी ८० लाख रुपये देण्यास सांगितले. तुमचा सहभाग नसेल तर ही सर्व रक्कम परत मिळेल, असेही आश्वासन देण्यात आले. दागिने गहाण ठेवण्यास सांगितल्याने रामकुमार यांना संशय आला आणि त्यांनी याबाबत भावाला सांगितले. त्यावेळी ही फसवणूक असल्याचे लक्षात आले.