कारमध्ये महिलेचा करुण अंत

अपघाताची माहिती मिळताच घटनास्थळी उपस्थित असलेल्या शेतकऱ्यांनी आणि पोलिसांनी तातडीने बचावकार्य सुरू केलं. विहिरीत कोसळलेल्या कारमधून 2 पुरुषांना सुखरूप बाहेर काढण्यात यश आलं. मात्र, कारमध्ये असलेल्या एका महिलेला गंभीर दुखापत झाली होती. तिला तातडीने उपचारासाठी रुग्णालयात घेऊन जात असताना वाटेतच तिचा मृत्यू झाला. दरम्यान, कारमध्ये आणखी एक 75 वर्षीय वृद्ध महिला अडकून पडल्याचं समोर आलं. विहीर तब्बल 90 फूट खोल असल्यानं वृद्ध महिलेला आणि कारला बाहेर काढण्याचं मोठं आव्हान प्रशासनासमोर होतं. रात्रीपासून प्रशासन, पोलीस आणि बचाव पथकाकडून युद्धपातळीवर बचावकार्य सुरू करण्यात आलं.

Nagpur Crime : दोन महिन्यांपूर्वी जामिनावर सुटला, बाहेर जातो सांगून पुन्हा परतलाच नाही, 20 वर्षीय तरण्याबांड पोराला संपवलं; घटनेचं गूढ वाढलं
15 तासांच्या प्रयत्नांनंतर कारबाहेर अंधार, विहिरीची खोली आणि प्रतिकूल परिस्थितीमुळे बचावकार्यात मोठ्या अडचणी निर्माण झाल्या. मात्र, प्रशासनानं अथक प्रयत्न सुरूच ठेवले. अखेर तब्बल 15 तासांच्या प्रयत्नांनंतर कारला विहिरीतून बाहेर काढण्यात यश आलं. कारसोबतच त्यामध्ये अडकलेल्या 75 वर्षीय वृद्ध महिलेचा मृतदेहही बाहेर काढण्यात आला. या दुर्घटनेत सुलताना बेगम जीआउल्ला खान (वय 45) आणि अख्तरबी खान (वय 75) या 2 महिलांचा मृत्यू झाला आहे. दोन्ही मृत महिला धावडा, तालुका भोकरदन, जिल्हा जालना येथील रहिवासी असल्याची माहिती आहे. मयत दोन्ही महिल्या सासू-सुन असल्याची माहिती समोर आली आहे.

अंत्यविधीचा कार्यक्रम आटोपून येताना काळाचा घाला

मिळालेल्या माहितीनुसार, हे कुटुंब आपल्या नात्यातील एका नातेवाईकाच्या अवघडराव सावंगी येथील अंत्यविधीचा कार्यक्रम आटोपून त्यांच्या मूळ गावी धावडा येथे परतत होते. मात्र, घरी परतत असतानाच पारध-वालसावंगी मार्गावर त्यांच्या कारला भीषण अपघात झाला आणि कार थेट रस्त्याच्या कडेला असलेल्या 90 फूट खोल विहिरीत कोसळली. घटनेची माहिती मिळताच स्थानिक नागरिकांसह पोलीस आणि प्रशासनानं तातडीनं बचावकार्य हाती घेतल्यानं दोन पुरुषांना सुखरूप बाहेर काढण्यात आलं. मात्र, दोन महिलांचा दुर्दैवी मृत्यू झाला.

Tukaram Mundhe : पुण्यात पहिलं रिजेक्शन, तुकाराम मुंढेंचा किस्सा, पाषाण रोडला पहिलं चायनीज खाललं, तिथे जाऊन यावं म्हणतो, FDA आयुक्तांनी सूचकपणे पुढचं टार्गेट सांगितलं
या भीषण अपघातामुळे धावडा परिसरासह संपूर्ण भोकरदन तालुक्यात हळहळ व्यक्त केली जात आहे. रात्रीपासून सुरू असलेलं बचावकार्य तब्बल 15 तास चाललं. अखेर कार आणि वृद्ध महिलेचा मृतदेह बाहेर काढण्यात प्रशासनाला यश आलं. दोन्ही मृतदेह जवळच्या शासकीय रुग्णालयात शवविच्छेदनासाठी दाखल करण्यात आले आहेत. या अपघाताची नोंद करून पुढील तपास पोलीस करत आहेत. या घटनेमुळे पुन्हा एकदा रस्त्याच्या अगदी बाजूला असलेल्या विहिरींचा प्रश्न ऐरणीवर आला आहे.