मुंबईत जे. जे. रुग्णालय आणि वाकोला येथील मतदान केंद्रांवर शनिवारी मतदानाची तयारी सुरू होती. विविध पॅनलमधील काही डॉक्टरांनी मतदान केंद्रापासून १०० मीटर अंतरावर बूथही लावले. मात्र संध्याकाळी उशिरा राजकीय पक्षाच्या कार्यकर्त्यांनी त्यास विरोध केल्याच्या तक्रारी डॉक्टरांनी केल्या.

AAP Crisis : आपमध्ये भूकंप, ठाकरेंची साथ न सोडणारे संजय राऊत कडाडले; भाजप, राघव चड्ढांसह फुटलेल्या खासदारांचा समाचार घेतला
आयएमएमध्ये फूट पडल्याने या नावाने तीन पॅनेल निवडणुकीच्या रिंगणात उतरले आहेत. यामध्ये ‘आयएमए अधिकृत’ या पॅनलमधील उमेदवारांचा भाजपकडून जोरदार प्रचार सुरू आहे. सोशल मीडियावर या पॅनलला भाजपकडून अधिकृत पाठिंबा जाहीर करण्यात आला. ‘भाजप पॅनल (आयएमए)’ असा प्रचार सुरू आहे.

‘होमिओपॅथी, आयुर्वेदिक या पॅथींनाही ‘मिक्सो’पॅथीमध्ये प्रॅक्टिस करता यावी, सरकारचे रुग्णालयांवर नियंत्रण राहावे, छोट्या रुग्णालयांना कॉर्पोरेट रुग्णालयांमध्ये सामावून घेता यावे, विमा योजनांमध्ये हस्तक्षेप, वैद्यकीय महाविद्यालयांमध्ये नियंत्रण अशा विविध कारणांसाठी वैद्यकीय क्षेत्रामध्ये राजकीय हस्तक्षेप वाढत आहे,’ असा आरोप ‘आयएमए’च्या माजी सदस्यांच्या पॅनलने केला आहे. यासंदर्भात ‘आयएमए’च्या अधिकृत पॅनलचे डॉ. संतोष कुलकर्णी यांच्याकडे संपर्क साधला असता, प्रतिसाद मिळाला नाही. ‘हिलिंग हॅण्ड्स युनिटी पॅनल’चे डॉ. तुषार जगताप यांनी लोकशाही मार्गाने निवडणुका व्हायला हव्यात, त्यात राजकीय हस्तक्षेपाची गरज काय, असा प्रश्न उपस्थित केला.

Rohit Pawar : ‘शिवछत्रपतींचा अवमान करणाऱ्या भोंदू बागेश्वरवर महाराष्ट्रात बंदी घाला, अन्यथा…’; आमदार रोहित पवारांची मागणी
‘ज्या पॅथीमध्ये प्रॅक्टिस करतो, त्यातील ज्ञानाचा अभिमान हवा. सर्वांनी एकत्रित येऊन वैद्यकीय क्षेत्रामध्ये चांगले काम करण्याची गरज आहे. दुर्दैवाने हा मुद्दा दुर्लक्षित राहिला आहे,’ अशी खंत डॉ. ललित आनंदे यांनी व्यक्त केली. ‘ही प्रक्रिया राजकीय हस्तक्षेपाशिवाय पारदर्शी पद्धतीने व्हायला हवी. डॉक्टरांनी राजकीय दबाव का सहन करायचा,’ असा प्रश्न ‘आयएमए एमएमसी’ गटाचे डॉ. अनिल पाचणेकर यांनी उपस्थित केला. ‘स्वायत्त एमएमसीमध्ये असा राजकीय हस्तक्षेप हे लोकशाही धोक्यात असल्याचे द्योतक आहे,’ असे मत डॉ. सुहास पिंगळे यांनी व्यक्त केले.

दरम्यान, राजकीय कार्यकर्ते, तसेच पदाधिकाऱ्यांना राहत्या परिसरातील पाच डॉक्टरांना मतदान केंद्रावर आणण्याच्या सूचनाही देण्यात आल्या आहेत.
Marathi Compulsion : रिक्षा, टॅक्सी चालकांना मराठी येणं गरजेचं, अन्यथा परवाने रद्द? मुख्यमंत्री देवेंद्र फडणवीस स्पष्टच म्हणाले…
राजकीय मदत
प्रचारासाठी काही डॉक्टरांच्या पॅनलनी राजकीय मदत घेतली असून अनेक पक्षांचे पदाधिकारी थेट प्रचारामध्ये उतरले. जे. जे. आणि वाकोला, ठाणे या दोन्ही ठिकाणच्या मतदान केंद्राबाहेर रात्री उशिरापर्यंत या कार्यकत्यांची गस्त सुरू होती. वांद्रे पश्चिम येथे शनिवारी रात्री भाजपच्या वरिष्ठ नेत्याकडून डॉक्टरांसाठी जंगी पार्टीचे आयोजन केले होते. पदाधिकारी थेट प्रचारात उतरले आहेत.