Accident News Bhandara : भंडारा जिल्ह्यातील अड्याळजवळ व्हॅन आणि ट्रकचा भीषण अपघात झाला असून, यात ५ जणांचा मृत्यू झाला आहे. मृतांमध्ये ४ महिलांचा समावेश असून चार जण गंभीर जखमी आहेत. लग्नाचं कार्य आटोपून परतणाऱ्या कुटुंबाबरोबर ही भीषण घटना घडली आहे.
नेमका कसा घडला अपघात?
मिळालेल्या माहितीनुसार, अड्याळ येथील लोमेश नान्हे यांच्या मुलाचा विवाह सोहळा पवनी तालुक्यातील कोंढा येथे आयोजित करण्यात आला होता. हा शुभमंगल सोहळा आटोपून रात्री ९:३० च्या सुमारास नवरदेवाचे मामा-मामी आणि इतर नातेवाईक मारुती व्हॅनने (क्र. MH 36 Z 0861) अड्याळकडे परतत होते. सौंदड पुनर्वसन परिसरात व्हॅन आली असता अचानक व्हॅनचा टायर फुटला. टायर फुटल्याने चालकाचे वाहनावरील नियंत्रण सुटले आणि व्हॅन विरुद्ध दिशेला गेली. त्याच वेळी समोरून येणाऱ्या भरधाव ट्रकने (क्र. CG 08 AW 6635) व्हॅनला जोरदार धडक दिली. ही धडक इतकी भीषण होती की व्हॅनचा जागीच चेंदामेंदा झाला.
घटनास्थळावर आक्रोश
अपघाताचा आवाज होताच परिसरातील नागरिकांनी घटनास्थळी धाव घेतली. व्हॅनची अवस्था इतकी भयावह होती की मृतदेह बाहेर काढताना उपस्थितांच्या काळजाचा थरकाप उडाला. या अपघातात ५ वऱ्हाडींचा जागीच अंत झाला, तर चालक आणि इतर तीन प्रवासी गंभीर जखमी झाले. जखमींना तातडीने भंडारा येथील जिल्हा रुग्णालयात हलवण्यात आले असून त्यांची प्रकृती चिंताजनक असल्याचे डॉक्टरांनी सांगितले आहे.
Mumbai Crime: मुंबईतही ऑफिसमध्ये तरुणींच्या छळाचा प्रकार उघड; 19 वर्षीय तरुणीला व्हिडिओ पाठवत केली विकृत मागणी
पोलीस घटनास्थळी
घटनेची माहिती मिळताच अड्याळचे पोलीस निरीक्षक धनंजय पाटील यांनी ताफ्यासह धाव घेतली. त्यानंतर उपविभागीय पोलीस अधिकारी मनोज सिडाम आणि भंडाऱ्याहून वरिष्ठ अधिकारीही दाखल झाले. पोलिसांनी पंचनामा करून शव उत्तरीय तपासणीसाठी पाठवले आहेत.
ज्या घरात काही तासांपूर्वी लग्नाच्या सनई-चौघड्यांचा आवाज येत होता, तिथे आता आक्रोश ऐकू येत आहे. एकाच कुटुंबातील आणि जवळच्या नातेवाईकांचा असा दुर्दैवी अंत झाल्याने संपूर्ण अड्याळ परिसरात शोककळा पसरली आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा