Kalyan Murbad Accident : कल्याण-मुरबाड मार्गावरील पांजरा पुलावर सिमेंट मिक्सर आणि ईको टॅक्सीचा भीषण अपघात झाला आहे. यामध्ये ११ प्रवाशांचा मृत्यू झाला आहे. मृतांमध्ये महसूल अधिकाऱ्यासह एकाच कुटुंबातील तिघांचा समावेश आहे.
पांजरा पुलावर काळाचा घाला
मिळालेल्या माहितीनुसार, रायते येथील पांजरा पुलावर सकाळी ११ च्या सुमारास ही घटना घडली. ईको गाडीतून मुरबाडमधील काही रहिवासी कल्याणच्या दिशेने जात होते. याच दरम्यान पांजरा पुलावर समोरून येणाऱ्या सिमेंट मिक्सरने कारला जोरदार धडक दिली. या भीषण अपघातात एक आजी आश्चर्यकारकरीत्या बचावल्या आहेत.
एकाच कुटुंबातील तिघांसह महसूल अधिकाऱ्याचा अंत
प्रवाशांनी भरलेल्या ईको कारला झालेली धडक इतकी भीषण होती की, कारमधील प्रवाशांना सावरण्याची संधीही मिळाली नाही. या कारमध्ये एकूण १२ प्रवासी होते, त्यापैकी ११ जणांचा जागीच मृत्यू झाल्याची भीती स्थानिकांनी व्यक्त केली. या अपघातात मृतांची नावे आता समोर येत आहेत; ज्यामध्ये प्रशांत चंदने, जिजा गोविंद केंबरे, भूषण घोरपडे, अनंत पवार, दीपक गवळी आणि गणपत जेतू मदे यांचा दुर्दैवी अंत झाला आहे. मृतांमध्ये एकाच कुटुंबातील तीन सदस्यांचा समावेश आहे. तसेच, मुरबाड येथे सर्कल अधिकारी म्हणून कार्यरत असलेले महसूल अधिकारी भूषण घोरपडे यांचाही या अपघातात मृत्यू झाला आहे.
Ladki Bahin Yojana: ई-केवायसीसाठी आमिषाला बळी पडू नका! लाडक्या बहिणींना मंत्री अदिती तटकरेंचे आवाहन
स्थानिकांची मदतीसाठी धाव
अपघाताचा आवाज ऐकताच परिसरातील स्थानिक नागरिकांनी मदतीसाठी घटनास्थळी धाव घेतली. चक्काचूर झालेल्या कारमधून मृतदेह बाहेर काढण्याचे काम स्थानिकांनी अत्यंत जड अंतःकरणाने केले. टिटवाळा पोलिसांनी तातडीने घटनास्थळी पोहोचून तपास सुरू केला आहे. पोलिसांनी मृतांचा अधिकृत आकडा अद्याप जाहीर केला नसला तरी, ही संख्या वाढण्याची भीती व्यक्त होत आहे.
अपघाताचे नेमके कारण अस्पष्ट
हा अपघात नेमका कशामुळे झाला? चालकाचा ताबा सुटला की वेगाचा अतिरेक नडला? हे अद्याप स्पष्ट होऊ शकलेले नाही. टिटवाळा पोलीस या प्रकरणाचा अधिक तपास करत आहेत. या भीषण अपघातामुळे महामार्गावरील वाहतुकीवरही काही काळ परिणाम झाला होता. एका गंभीर जखमी प्रवाशावर स्थानिक रुग्णालयात उपचार सुरू आहेत.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा