मुख्यमंत्री माझी लाडकी बहीण योजनेसाठी नव्याने नोंदणी प्रक्रिया बंद करण्यात आलेली आहे. मात्र, ई केवायसी करताना काही त्रुटी राहिल्यास त्या दुरुस्त करण्यासाठी ३० एप्रिलपर्यंत मुदतवाढ देण्यात आली आहे. या प्रक्रियेसाठी कोणत्याही मध्यस्थाची आवश्यकता नसून, महिला मोबाईलवरून स्वतः ई- केवायसी करू शकतात किंवा जवळील अंगणवाडी सेविकांची मदत घेऊ शकतात, अशी माहिती मंत्री अदिती तटकरे यांनी दिली.

काही दिवसांपूर्वी जळगाव येथील ई-केवायसीच्या नावावर एका लाभार्थी महिलेकडे शरीरसुखाची मागणी करण्यात आल्याचे प्रकार समोर आले असून , याप्रकरणी जळगावच्या जिल्हा महिला व बाल विकास अधिकारी, जळगाव कार्यालयाकडून अहवाल प्राप्त झाला आहे. लाभार्थी महिलांकडून गैरवर्तन केल्याचा प्रकार उघडकीस आला आहे. संबंधित प्रकरणात तक्रार नोंदविण्यात आली असून पोलिसांकडून तपास सुरू आहे. दोषींवर कठोर कायदेशीर कारवाई करण्यात येणार असल्याचे यावेळी स्पष्ट करण्यात आले. तर, ई केवायसी करून देतो असे सांगून काहीजण महिलांची दिशाभूल करत असल्याचे निदर्शनास आले आहे.

Marathi Language: मराठी येत नसेल तर रिक्षाचालकांचं लायसन्स होणार रद्द; 1 मेपासून थेट कारवाई, परिवहनमंत्र्यांची माहिती
आठ तासांत अर्ज मंजूर
मुंबई : राज्यातील गरजू आणि आर्थिकदृष्ट्या दुर्बल घटकांतील रुग्णांसाठी उपयुक्त ठरणाऱ्या मुख्यमंत्री सहाय्यता निधी साठी लवकरच नवी अद्ययावत प्रणाली सुरू केली जाणार आहे. या नव्या प्रणाली अंतर्गत या योजनेतील प्राप्त अर्जांवर मंजुरीसाठी केवळ आठ तासांत पूर्ण केली जाणार असल्याची माहिती मुख्यमंत्री सहाय्यता निधी कक्ष प्रमुख रामेश्वर नाईक यांनी रविवारी दिली. लवकरच या नव्या प्रणालीचे उद्घाटन मुख्यमंत्री देवेंद्र फडणवीस यांच्याहस्ते होणार असल्याची माहितीही नाईक यांनी यावेळी दिली.