Pune Crime News : पुण्यातील मार्केट यार्ड परिसरात एक संतापजनक प्रकार समोर आला आहे. एका कोचिंग क्लासमध्ये आठवीत शिकणाऱ्या मुलाचा तिथल्याच कर्मचाऱ्याने छळ केल्याचा आरोप आहे. मुलाच्या बदललेल्या वागणुकीमुळे हे धक्कादायक वास्तव उघड झाले.
कोचिंगला जाणं केलं बंद
घरच्यांना सुरुवातीला वाटलं की कदाचित अभ्यासाचा ताण असेल किंवा वयात येताना होणारा बदल असेल. पण दिवस जसजसे पुढे गेले, तसतसं त्याचं शांत होणं वाढतच गेलं. अचानक त्याने कोचिंगला जाणं पूर्णपणे बंद केलं. हे बदल आता दुर्लक्षित करण्यासारखे नव्हते. घरात एक वेगळंच वातावरण निर्माण झालं होतं. अखेर पालकांनी धीर करून त्याच्याशी बसून मनमोकळा संवाद साधायचं ठरवलं. सुरुवातीला तो काहीच बोलत नव्हता. खूप वेळ शांतता होती. पण त्या शांततेच्या मागे भीती आणि दडपलेलं काहीतरी होतं.
तो बोलला अन् घरचे हादरले
थोड्या वेळाने, तो हळूहळू बोलायला लागला. जे शब्द बाहेर येत होते, ते ऐकताना घरच्यांच्या पायाखालची जमीनच सरकली. कोचिंग क्लास… जिथे तो रोज सुरक्षित समजून जात होता… तिथेच काहीतरी घडलं होतं. त्याच ठिकाणी काम करणाऱ्या एका व्यक्तीने त्याचा गैरफायदा घेतल्याचा आरोप समोर आला. क्षणात घरात गोंधळ उडाला. विश्वास बसत नव्हता, पण वास्तव समोर होतं.
Crime News : पैशांचा हव्यास, घरमालकीण अन् तिच्या मुलाला संपवलं; पोलिसांना चकवा देत सातत्याने कुटुंबाच्या संपर्कात, 35 वर्षे फरार भाडेकरुला अटक
वेळ न घालवता कुटुंबीय थेट पोलिस ठाण्यात गेले आणि तक्रार दाखल केली. मार्केट यार्ड पोलिसांनी तत्परतेने कारवाई केली. संबंधित व्यक्तीला ताब्यात घेतलं. पुढील तपास सुरू झाला आणि संपूर्ण प्रकरण उघडकीस आलं.
मुलंही असुक्षित
आज बाहेरून तो क्लास तसाच दिसतो. पण आत दडलेलं वास्तव मात्र पूर्णपणे बदललेलं आहे. आणि त्या एका शांत झालेल्या मुलाच्या बदललेल्या वागणुकीमागचं सत्य आता सगळ्यांसमोर आलं आहे. दरम्यान, पुणे शहरातील असुक्षितता नागरिकांना जाणवू लागली आहे. मुलींसह आता मुलेदेखील असुरक्षित असल्याचे चित्र समोर आहे.
लेखकाबद्दलसुनिल लाटेसुनिल प्रभाकर लाटे हे ‘महाराष्ट्र टाइम्स ऑनलाइन’मध्ये कन्सल्टंट या पदावर कार्यरत आहेत. ते गेल्या तीन वर्षांपासून पत्रकारिता क्षेत्रात सक्रिय आहेत. महाराष्ट्र टाइम्स ऑनलाइनमध्ये ते स्थानिक बातम्या, लाइव्ह ब्लॉग कव्हरेज, गुन्हेगारी, राजकारण, देश-विदेश, सरकारी योजना, तसेच इन्फ्रास्ट्रक्चर आणि नागरी विकासाशी संबंधित विषयांवर नियमित लेखन करतात. २०२२ मध्ये पत्रकारितेचे शिक्षण पूर्ण केल्यानंतर त्यांनी आपल्या कारकिर्दीची सुरुवात ‘लोकसत्ता ऑनलाइन’ (मुंबई) येथून केली.सुनिल यांनी राजकारण, मनोरंजन, क्रीडा आणि गुन्हेगारी अशा विविध विषयांचे वार्तांकन व विश्लेषण प्रभावीपणे केले आहे. हायपरलोकल न्यूज, क्राईम रिपोर्टिंग, राजकारण आणि चालू घडामोडींवरील नाविन्यपूर्ण डिजिटल कंटेंट लिहिण्याचा त्यांना दांडगा अनुभव आहे. त्यांनी डॉ. बाबासाहेब आंबेडकर मराठवाडा विद्यापीठाच्या वृत्तपत्रविद्या विभागातून पत्रकारितेतील पदव्युत्तर शिक्षण (MA) पूर्ण केले आहे. शिक्षण घेत असतानाच त्यांनी ‘दैनिक दिव्य मराठी’ आणि ‘दैनिक पुण्य नगरी’ यांसारख्या नामांकित वृत्तपत्रांसाठी बातम्या लिहून प्रत्यक्ष कामाचा अनुभव घेतला. यादरम्यान त्यांनी प्रामुख्याने शिक्षण क्षेत्रातील बातम्यांचे कव्हरेज केले.अचूक आणि प्रभावी डिजिटल रिपोर्टिंग ही सुनिल यांची खासियत आहे. गेल्या तीन वर्षांत त्यांनी उत्कृष्ट ‘न्यूज सेन्स’ आणि ‘ब्रेकिंग न्यूज’ कव्हरेजचे संपादन कौशल्य विकसित केले आहे. महाराष्ट्र टाइम्स ऑनलाइनमध्ये काम करताना वेगवान अपडेट्स देणे आणि डिजिटल वाचकांना समजेल अशा सोप्या शैलीत घडामोडींची मांडणी करणे, यात त्यांनी प्राविण्य मिळवले आहे. पत्रकारितेतील नवनवीन तंत्रे शिकून स्वतःला अधिक सक्षम बनवण्यावर त्यांचा सतत भर असतो.पत्रकारितेसोबतच त्यांना फोटोग्राफी, व्हिडिओ एडिटिंग आणि ग्राफिक्स डिझाइनची विशेष आवड असून, जाहिरात क्षेत्रातही त्यांनी काम केले आहे. सर्जनशील लेखनाची ओढ असलेल्या सुनिल यांनी काही लघुपटांचे दिग्दर्शन आणि पटकथा लेखनही केले आहे. तसेच, संगीत आणि गायन क्षेत्रातही त्यांना विशेष रुची आहे.… आणखी वाचा