परीक्षा कक्षातर्फे ही परीक्षा ६, ७ आणि ८ एप्रिलदरम्यान तीन दिवस बॅचनुसार घेतली जाणार आहे. राज्यातील सर्व ३६ जिल्ह्यांमध्ये एकूण १७३ परीक्षा केंद्रांवर संगणकाधारित पद्धतीने ही परीक्षा पार पडणार आहे.

Baramati Bypolls: बारामतीवरून ‘मविआ’त फूट? शरद पवारांच्या निवासस्थानी हाय व्होल्टेज बैठक, काँग्रेसच्या भूमिकेवर लक्ष
यंदा प्रथमच विद्यार्थ्यांना एमबीए/एमएमएस सीईटीसाठी दोन संधी उपलब्ध करून देण्यात आल्या आहेत. पहिली संधी एप्रिलमध्ये होत असताना, दुसरी संधी ९ मे रोजी दिली जाणार आहे. पहिल्या संधीसाठी एक लाख ३२ हजार ८३८ विद्यार्थ्यांनी नोंदणी केली असून दुसऱ्या संधीसाठी ४८ हजार ५८८ विद्यार्थ्यांनी अर्ज केला आहे. त्यामुळे एकूण एक लाख ८१ हजार ४२६ विद्यार्थी या वर्षी सीईटी परीक्षेला बसणार आहेत.

विद्यार्थ्यांना दोन संधी देण्यामागे राष्ट्रीय स्तरावरील जेईई (मेन) परीक्षेच्या धर्तीवर निर्णय घेण्यात आल्याचे स्पष्ट करण्यात आले आहे. विद्यार्थ्यांना किमान एक परीक्षा देणे बंधनकारक असून दुसरी परीक्षा ऐच्छिक आहे. दोन्ही परीक्षा दिल्यास ज्या परीक्षेत अधिक पर्सेंटाईल मिळेल, तो निकाल प्रवेशासाठी ग्राह्य धरला जाणार आहे.

पिके मातीमोल! राज्यात अवकाळीने 2 लाख हेक्टरवरील पिकांना फटका; 29 जिल्ह्यांत शेतकऱ्यांचं मोठं नुकसान
यंदाच्या नोंदणीमध्ये विविध घटकांतील विद्यार्थ्यांचा सहभागही लक्षणीय आहे. एकूण नोंदणीकृत विद्यार्थ्यांमध्ये आठ तृतीयपंथी, ४८२ अनाथ तसेच ४८७ दिव्यांग विद्यार्थ्यांचा समावेश आहे.

वर्षनिहाय नोंदणी (एमबीए/एमएमएस सीईटी)
शैक्षणिक वर्ष -विद्यार्थी संख्या
२०२३-२४ १,३०,९२७
२०२४-२५ १,५२,९११
२०२५-२६ १,५७,२८१
२०२६-२७ १,८१,४२६