प्रकरण काय?
कुरार पोलिसांनी दिलेल्या माहितीनुसार, समर बहाद्दूर सिंग याचे दागिने पॉलिश करण्याचे दुकान असून शेजारीच मयूर कनोजिया (२०) याचे दागिने तयार करण्याचे युनिट आहे. दोघांमध्ये नियमित कामाची देवाणघेवाण आणि पैशांचे व्यवहार व्हायचे. एका व्यवहारात कनोजियाने चुकून २६ हजार ४०० रुपयांऐवजी २७ हजार रुपये सिंगला दिले. त्यानंतर त्याने जास्त दिलेले सहाशे रुपये सिंगकडे परत मागितले. कनोजियाच्या वडिलांनी सिंगच्या दुकानात जाऊनही उर्वरित रकमेची मागणी केली, परंतु सिंगने अधिकचे पैसे देण्यास नकार दिला. यामुळे संतापलेला कनोजिया हा त्याच्या सात-आठ मित्रांसह बुधवारी दुपारी साडेतीन वाजण्याच्या सुमारास सिंगच्या दुकानात गेला. सिंग याला सात ते आठ जणांनी मारहाण केली.

Mumbai News: 12 वर्षीय मुलीला असह्य वेदना; पोटातून काढला मोठा केसांचा गोळा, 3 तास चालली शस्रक्रिया
या दरम्यान सिंगने पॉलिशिंगसाठी वापरले जाणारे पाणीमिश्रित ॲसिड त्यांच्यावर फेकले. यामध्ये सात जण जखमी झाले आणि या सर्वांना कांदिवली पश्चिम येथील शताब्दी रुग्णालयात दाखल करण्यात आले.

Hanuman Jayanti 2026: हनुमान जयंतीला साक्षात मारुतीरायाचं दर्शन! अख्खी वानरसेना बसली पंगतीला, अकोल्यात 20 वर्षांची अनोखी परंपरा
घटनेची माहिती मिळताच, कुरार पोलिस घटनास्थळी पोहोचले. सिंग याच्या तक्रारीवरून कनोजिया आणि त्याच्या साथीदारांवर, तर कनोजिया याच्या तक्रारीवरून सिंग याच्यावर गुन्हा दाखल करण्यात आला आहे. जखमींपैकी दोघांना घरी सोडण्यात आले. इतर जखमींची प्रकृती स्थिर असल्याचे पोलिसांनी म्हटले आहे. सिंग आणि हेमंत राठोड, नितीन धोबी यांना अटक केल्याचे पोलिसांनी सांगितले.