Massage Parlour Raid: पुण्यातील पॉश परिसरात मसाज पार्लरच्या नावाखाली देह व्यापाराचा व्यवसाय सुरू असल्याची माहिती पोलिसांना मिळाली होती. त्यानंतर एक बनावट ग्राहक पाठवत त्या सेंटरचा पर्दाफाश केला.
कसा केला पर्दाफाश?
शहरातील जॉगर्स पार्कजवळील ईश्वरधाम अपार्टमेंटमध्ये ‘निरा स्पा’ नावाने हे सेंटर सुरू होतं. बाहेरून सर्व काही नियमित स्पा सारखं दिसत असलं तरी आत मात्र वेगळंच चित्र होतं. मसाजच्या नावाखाली ग्राहकांना थेट देहव्यापाराची ऑफर दिली जात असल्याची माहिती पोलिसांना मिळाली होती. ही माहिती कितपत खरी आहे, याची खात्री करण्यासाठी पोलिसांनी एक बनावट ग्राहक पाठवला आणि तिथे सुरू असलेला प्रकार उघड झाला.
Pune Crime : माझ्या नातीला सांभाळा, शेजाऱ्यांकडे चिमुरडीला सोपवून आजी ड्युटीवर; सकाळी दोघी मृतावस्थेत, आळंदीतून दुसरा नवरा ताब्यात
माहिती पक्की होताच पोलिसांनी रात्री साडेआठच्या सुमारास छापा टाकत कारवाई केली. या कारवाईत स्पा सेंटरचा मॅनेजर अरमान रहिमउद्दीन हुसेन याला अटक करण्यात आली. अवघ्या २१ वर्षांच्या या तरुणाकडून हा संपूर्ण प्रकार चालवला जात असल्याचं समोर आलं आहे. यावेळी पोलिसांनी दोन तरुणींना या जाळ्यातून बाहेर काढत त्यांची सुटका केली. प्राथमिक चौकशीत त्यांना पैशाचे आमिष दाखवून या व्यवसायात ढकलण्यात आल्याचं उघड झालं आहे.
संशयिताचा शोध सुरू
या प्रकरणी येरवडा पोलीस ठाण्यात गुन्हा दाखल करण्यात आला असून अनैतिक व्यापार (प्रतिबंधक) कायद्यानुसार आरोपीवर कारवाई करण्यात आली आहे. या रॅकेटमध्ये आणखी काही जण सहभागी असल्याची शक्यता असून ‘राज’ नावाच्या संशयिताचा शोध सध्या सुरू आहे. अपर पोलीस आयुक्त मनोज पाटील, पोलीस उपायुक्त रजनीकांत चिलुमूला आणि सहायक पोलीस आयुक्त सुनील जैतापूरकर यांच्या मार्गदर्शनाखाली ही कारवाई पार पडली. वरिष्ठ पोलीस निरीक्षक अंजुम बागवान आणि पोलीस निरीक्षक विजय ठाकर यांच्या पथकाने ही कारवाई यशस्वी केली.
Pune Crime : नाईट ड्युटीला गेलेल्या आजीची नात अज्ञाताने संपवली; लाडक्या नातीसाठी धडपडणाऱ्या आजीवर आभाळ कोसळलं, आळंदीत भयानक घटना
दरम्यान, इतक्या पॉश भागात अशा प्रकारचा व्यवसाय सुरू असल्याचं उघड झाल्याने स्थानिक नागरिकांमध्ये संताप व्यक्त केला जात आहे. “स्पा सेंटरच्या नावाखाली नेमकं काय चालतंय, यावर आता कडक लक्ष ठेवायला हवं,” अशी मागणी नागरिकांकडून केली जात आहे.
लेखकाबद्दलसानिया कदमसानिया कदम या सध्या ‘मटा ऑनलाईन’मध्ये गेल्या सहा महिन्यांपासून कन्सल्टंट पदावर कार्यरत आहेत. २०२५ मध्ये बॅचलर्सचे शिक्षण पूर्ण करून त्यांनी नुकताच पत्रकारितेच्या क्षेत्रात प्रवेश केला आहे. लोकल बातम्या, लाइव्ह ब्लॉग कव्हरेज, गुन्हेगारी, आंतरराष्ट्रीय घडामोडी तसेच इन्फ्रास्ट्रक्चर व नागरी विकासाशी संबंधित बातम्यांमध्ये त्यांना विशेष रस आहे.
पत्रकारितेतील व्यावसायिक कामाची ही त्यांची पहिलीच वेळ असली, तरी त्यांच्या पत्रकारितेच्या प्रवासाची सुरुवात महाराष्ट्र टाइम्स प्रिंटमधून झाली. २०२४ मध्ये मुलुंड वाणिज्य महाविद्यालयातून बीएमएमचे शिक्षण घेत असताना प्राध्यापकांकडून त्यांची कॉलेज क्लब रिपोर्टर म्हणून नियुक्ती झाली आणि तेव्हाच ‘मटा’शी त्यांचा पहिला संबंध जोडला गेला.
यानंतर त्यांनी अनेक महिन्यांपर्यंत महाराष्ट्र टाइम्सच्या ‘मुंबई टाइम्स’ पुरवणीसाठी लेखन केले. कॉलेज विद्यार्थ्यांच्या दैनंदिन समस्या, सोशल मीडियावरील ट्रेंड्स तसेच एआयच्या वाढत्या प्रभावावर त्यांनी अनेक लेख लिहिले. सोशल मीडियावर गाजलेल्या ‘घिबली आर्ट’ ट्रेंडवर तसेच परीक्षेच्या काळात विद्यार्थ्यांच्या आयुष्यात वाढत्या एआयच्या वापराबाबत लिहिलेल्या लेखांचे विशेष कौतुक झाले. या काळात महाराष्ट्र टाइम्स प्रिंटच्या विविध कार्यक्रमांमध्ये सहभागी होत त्यांनी वृत्तांकनासाठीही हातभार लावला. २०२५ मधील ‘माय मराठी कला संगम’ तसेच महाराष्ट्र टाइम्सच्या ‘शोध युवा प्रतिमेचा’ या विशेष कार्यक्रमांचे त्यांनी वृत्तांकन केले. विद्यार्थ्यांशी आणि नव्या पिढीशी जोडून घेणाऱ्या, त्यांच्या दृष्टिकोनातून बातम्या मांडण्याचा त्यांचा नेहमीच प्रयत्न राहिला.
२०२५ मध्ये बीएमएमचे शिक्षण पूर्ण केल्यानंतर त्यांनी के.सी. महाविद्यालयातून एमए इन जर्नलिझमला प्रवेश घेतला आणि त्याचवेळी ‘मटा ऑनलाईन’मध्ये काम सुरू केले. येथे त्यांनी लोकल बातम्या, लाइव्ह ब्लॉग अपडेट्स, इन्फ्रास्ट्रक्चर व विकासकामे, तसेच सरकारी धोरणे यांवर विशेष प्राविण्य मिळवले.
लहानपणापासूनच मराठी आणि इंग्रजी भाषेत वाचन-लेखनाची आवड असल्याने इंग्रजी भाषेवर त्यांचे विशेष प्रभुत्व आहे. त्यामुळे इंग्रजीतील गुंतागुंतीच्या बातम्या मराठी वाचकांसाठी सोप्या, समजण्यासारख्या भाषेत मांडण्याचा त्यांचा सातत्यपूर्ण प्रयत्न असतो. डिग्रीपर्यंतचं शिक्षण इंग्रजी माध्यमातून केलं असून संपूर्ण महाविद्यालयात प्रथम क्रमांक पटकावला. शेवटच्या वर्षी, न्यूजरूम नावाच्या प्रोजेक्टसाठी एका वृत्तपत्राच्या संपादकांची मुलाखत घेणं आवश्यक होतं. त्यावेळी, मुंबई चौफेरचे संपादक श्री. प्रफुल्ल फडके यांची मुलाखत घेतली. या मुलाखती दरम्यान त्यांनी आपल्या 30 वर्षांच्या मराठी भाषेतील पत्रकारीतेच्या अनुभवाबद्दल सांगितलं. त्यावेळी मराठी माध्यमातून पत्रकारिता करण्याची आवड निर्माण झाली. नंतर महाराष्ट्र टाईम्स प्रिंटमधल्या अनुभवामुळे ही आवड आणखी वाढली.… आणखी वाचा