मुंबईकरांना महापालिकेतर्फे विविध नागरी सेवा व सुविधा पुरविल्या जातात. या सेवांचा दर्जा उंचावण्यासाठी व त्यांची कार्यक्षम अंमलबजावणी सुनिश्चित करण्यासाठी सक्षम आर्थिक स्रोतांची आवश्यकता असते. त्या दृष्टीने, मालमत्ता कर हा एक अत्यंत महत्त्वाचा महसुली स्रोत आहे. मुंबईकरांनी वेळेत मालमत्ता कर भरावा, यासाठी व्यापक जनजागृती करण्यात आली. करभरणा सुलभ व्हावा, यासाठी साप्ताहिक, तसेच सार्वजनिक सुट्टीच्या दिवशी नागरी सुविधा केंद्रे सुरू ठेवण्यात आली आणि ऑनलाइन भरणा सुविधा उपलब्ध करून देण्यात आली. यासोबतच, मोठ्या थकबाकीदारांवर विशेष लक्ष केंद्रित करून मागील थकबाकी वसुलीसाठी प्रभावी पाठपुरावा करण्यात आला.

Mumbai News: 12 वर्षीय मुलीला असह्य वेदना; पोटातून काढला मोठा केसांचा गोळा, 3 तास चालली शस्रक्रिया
मुंबई महापालिकेने २०२५-२६ या आर्थिक वर्षासाठी सात हजार ३४१ कोटी रुपये मालमत्ता कर संकलनाचे सुधारित उद्दिष्ट ठेवले होते. १ एप्रिल २०२५ ते ३१ मार्च २०२६ या निर्धारित कालावधीदरम्यान सात हजार ६१० कोटी ९० लाख रुपये इतका मालमत्ता कर संकलित करण्यात आला. हे प्रमाण एकूण उद्दिष्टाच्या १०३.६८ टक्के इतके आहे. सोबतच, अतिरिक्त दंडाच्या स्वरूपात ३०१ कोटी १३ लाख रुपयेही संकलित करण्यात आले आहेत.

NCP Politics: प्रफुल्ल पटेल, सुनील तटकरे पदच्युत? राष्ट्रवादीच्या अध्यक्ष सुनेत्रा पवार यांच्या पत्राने वाद, पदांचा उल्लेख नाही
प्रशासकीय कामगिरीचा विचार करता, ‘के’ पूर्व (७१९ कोटी २३ लाख रुपये), ‘जी’ दक्षिण (६७० कोटी ६४ लाख रुपये), ‘के’ पश्चिम (६२२ कोटी १६ लाख रुपये), ‘एच’ पूर्व (५७७ कोटी ७८ लाख रुपये) आणि ‘एच’ पश्चिम (५३६ कोटी ५५ लाख रुपये) या विभागांनी सर्वाधिक मालमत्ता कर संकलन नोंदवले आहे.

एकूण संकलित कर
शहर विभाग —२,१०२ कोटी ६० लाख रुपये
पश्चिम उपनगरे —३,७२१ कोटी ३३ लाख रुपये
पूर्व उपनगरे —१,४५७ कोटी ४१ लाख रुपये