सातारा-पंढरपूर मार्गावर धुळदेव (ता. माण) येथे कारला झालेल्या भीषण अपघातात आजोबा आणि नातीचा जागीच मृत्यू झाला आहे. रखडलेल्या रस्त्याच्या कामामुळे या मार्गावर आतापर्यंत ३०० हून अधिक अपघात झाले असून ग्रामस्थांनी प्रशासनावर संताप व्यक्त केला आहे.
कार चारवेळा पलटली
सातारा तालुक्यातील कोडोली गावचे निकम कुटुंबीय देवदर्शनसाठी मारुती अल्टो कारने पंढरपूरला निघाले होते. सातारा पंढरपूर मार्गावरून जात असताना माण तालुक्यातील धुळदेव गावच्या हद्दीत रस्ता उखडलेला असल्याने चालकाने अचानक ब्रेक दाबल्याने आल्टो कारने तीन ते चार पलट्या खाल्या. त्यामुळे कार पलटी होऊन आजोबा आणि नातीचा जागीच मृत्यू झाला.
जखमींना रुग्णालयात नेलं
अपघातानंतर परिसरात काही काळ तणावाचे वातावरण निर्माण झाले होते. स्थानिक नागरिकांनी तत्काळ मदतकार्य करत जखमींना बाहेर काढले. घटनेची माहिती मिळताच म्हसवड पोलिसांनी घटनास्थळी धाव घेतली. कारमधील एक गंभीर आणि तीन किरकोळ जखमींना तातडीने खासगी रुग्णालयात नेले. त्यांच्यावर प्रथमोपचार करून त्यांना सातारा येथील शासकीय रुग्णालयात पाठवण्यात आले.
Beed Accident : कीर्तनकार ह.भ.प. श्रीहरी महाराज पुरी यांच्या पत्नी आणि मुलाचा कार अपघात, माय-लेकाचा होरपळून मृत्यू
रखडलेल्या कामामुळे सातारा-सोलापूर मार्गावर अपघातांची मालिका सुरू आहे. अनेकवेळा आंदोलने करूनही कामाला गती आलेली नाही. त्यामुळे आज झालेल्या अपघाताला प्रशासनच जबाबदार असल्याचा आरोप ग्रामस्थांनी केला आहे.
३०० हून अधिक अपघात
या मार्गावर आतापर्यंत लहान मोठे ३०० हून अधिक अपघात झाले आहेत. त्यात जवळपास २० जणांना आपला जीव गमवावा लागला आहे. तरी देखील बांधकाम खात्याचे रस्त्याच्या कामाकडे दुर्लक्ष आहे. आणखी किती जणांचा जीव गेल्यावर बांधकाम खात्याला जाग येईल, असा संतप्त सवाल माण तालुक्यातील नागरिकांनी केला आहे.
लेखकाबद्दलसुनिल लाटेसुनिल प्रभाकर लाटे महाराष्ट्र टाइम्स ऑनलाइनमध्ये कन्सल्टंट पदावर कार्यरत आहेत. गेली तीन वर्षे पत्रकार म्हणून त्यांनी प्रत्यक्षपणे काम केलं आहे, ज्यामध्ये त्यांनी लोकसत्ता ऑनलाईनमध्ये (मुंबई) इंटर्न म्हणून पत्रकारिता सुरू केली.
मेन डेस्क
इंटर्न म्हणून रुजू झाल्यानंतर संबंधित संपादकांनी दिलेली प्रत्येक जबाबदारी काळजीपूर्वक पार पाडली. सहा महिने मेन डेस्कसाठी सर्व बीटच्या बातम्यांचे काम केले.
फोटोगॅलरी, वेबस्टोरी
तिथंच त्यांना फोटोगॅलरी आणि वेबस्टोरी या विभागात काम करण्याची संधी मिळाली. त्या संधीचे सोने करत त्यांनी अतिशय दर्जेदार काम केले. लोकसत्तामध्ये काम करताना, राजकारण, मनोरंजन, क्रीडा या विषयावर सातत्याने बातम्यांचे लिखाण केल्याने त्यातील आवड खूप वाढली.
शिक्षण
सुनिल यांनी पत्रकारितेचे शिक्षण घेतले आहे. त्यांनी बीए आणि एमएपर्यंतच शिक्षण डॉ. बाबासाहेब आंबेडकर मराठवाडा विद्यापीठाच्या पत्रकारिता विभागातून पूर्ण केले आहे. दरम्यानच्या काळात त्यांनी स्थानिक वृत्तपत्रांसाठी शैक्षणिक बीट सांभाळत बातम्या लिहल्या.
जाहिरात क्षेत्रात काम
याशिवाय सुनिल यांना फोटोग्राफी, व्हिडिओ संपादन, ग्राफिक्स डिझाइनचीही आवड आहे. या आवडीला जोपासण्यासाठी त्यांनी पत्रकारिता विभागाशी संबंधित असलेल्या जाहिरात या क्षेत्रात काम केले आहे. ही काम त्यांनी स्वतःच्या आनंदासाठी केले. ज्यातून त्यांचा मोठा जनसंपर्क वाढला. काही पैसेही मिळवता आले.
दिग्दर्शन, संगीत
कॉलेज जीवनात त्यांनी तीन लघुपट बनवले, ज्याचे कॅमेरा, पटकथा आणि दिग्दर्शनही त्यांनी स्वतःच केले आहे. त्यांना संगीत क्षेत्रातही खास रस आहे. काव्यलेखन, गीत लेखन, सादरीकरण केलेले त्यांचे व्हिडिओ युट्यूबवर व्हायरल झालेले आहेत.
पत्रकारिता क्षेत्रातील उत्कंठा, उत्साह द्विगुणित
दरम्यान, महाराष्ट्र टाइम्स ऑनलाइनमध्ये संधी मिळाल्यानंतर हायपर लोकल बातम्यांचे काम करण्याचा अनुभव मिळाला. ज्यामध्ये क्राइमसह विविध महत्वाच्या आणि मोठ्या बातम्या लिहायचेही तंत्र त्यांनी विकसित केले. मटा ऑनलाईनमध्ये काम करताना सुनिल यांची पत्रकारिता क्षेत्रातील उत्कंठा, उत्साह द्विगुणित झाला आहे, कारण इथेही सहकाऱ्यांचे सहकार्य आणि संपादकांचे, वरिष्ठांचे, शिफ्ट इन्चार्ज यांचे अनमोल मार्गदर्शन वेळोवेळी मिळत राहते. महाराष्ट्र टाइम्स ऑनलाइनने पत्रकार म्हणून घडण्याची आणखी एक खूप मोठी सुवर्णसंधी दिल्याचे सुनिल मानतात.… आणखी वाचा