गोंडपिपरी तालुक्यात अवैध रेती वाहतूक करणाऱ्या ट्रॅक्टरचा भीषण अपघात झाला असून, यामध्ये २४ वर्षीय संतोष मडावी या तरुणाचा जागीच मृत्यू झाला आहे. फुरडीहेटी-वढोली मार्गावर भरधाव वेगातील विना क्रमांकाचा ट्रॅक्टर उलटल्याने ही दुर्घटना घडली.
महसूल विभागाचे दुर्लक्ष अन् घरकुल लाभार्थ्यांची ओढाताण
गोंडपिपरी तालुक्यातून मोठ्या प्रमाणात रेतीची तस्करी केली जाते, परंतु याकडे महसूल विभागाचे कायमचे दुर्लक्ष झाल्याचा आरोप होत आहे. एकीकडे सरकारी कामांसाठी रेतीची कमतरता नसताना, घरकुल लाभार्थ्यांना मात्र अवैध रेती तस्करांवर अवलंबून राहावे लागत आहे. याच तस्करीमुळे आज एका निष्पाप तरुणाला आपला जीव गमवावा लागला आहे.
भरधाव वेग ठरला जीवघेणा
मिळालेल्या माहितीनुसार, गोंडपिपरी तालुक्यातील कुलथा रेती घाटावरून चेक बोरगाव येथील घरकुल लाभार्थ्यासाठी रेती घेऊन एक विना क्रमांकाचा ट्रॅक्टर निघाला होता. महसूल आणि पोलीस विभागाच्या कारवाईपासून वाचण्यासाठी चालक ट्रॅक्टर भरधाव वेगाने चालवत होता. दरम्यान, फुरडीहेटी–वढोली मार्गावर चालकाचे नियंत्रण सुटल्याने ट्रॅक्टर रस्त्याच्या खाली उलटला. ट्रॉलीवर संतोष सुंदरशहा मडावी (वय २४) व साहिल कोवे हे दोघे बसले होते. हा अपघात इतका भीषण होता की, संतोषचा जागीच मृत्यू झाला, तर साहिल गंभीर जखमी झाला.
Pune Crime: लग्नाचं आमिष आणि फोटो व्हायरलची धमकी; चंदननगरमध्ये दोन अल्पवयीन मुलींवर अत्याचार, नराधमांना बेड्या
पोलिसांकडून चालकाला अटक
घटनेची माहिती मिळताच गोंडपिपरी पोलीस ठाण्याचे ठाणेदार रमेश हत्तीगोटे आपल्या पथकासह तातडीने घटनास्थळी पोहोचले. पोलिसांनी मृतदेह ताब्यात घेऊन उत्तरीय तपासणीसाठी पाठवला आहे. या प्रकरणी ट्रॅक्टर चालक आकाश गोरकर याला पोलिसांनी ताब्यात घेतले असून, पुढील तपास गोंडपिपरी पोलीस करत आहेत. मृत संतोषच्या पश्चात आई-वडील आणि पाच भाऊ असा परिवार आहे. कुटुंबातील कर्त्या तरुणाचा अकाली मृत्यू झाल्याने परिसरात हळहळ व्यक्त केली जात आहे.
अवैध ‘टीपी’चा धक्कादायक प्रकार
या घटनेनंतर आणखी एक धक्कादायक बाब समोर आली आहे. या व्यवहारासाठी वापरण्यात आलेल्या ‘टीपी’वर (Transport Permit) जो ट्रॅक्टर क्रमांक नमूद करण्यात आला होता, तो चुकीचा होता. संबंधित क्रमांकाचा ट्रॅक्टर एका फायनान्स कंपनीने यापूर्वीच जप्त केल्याची माहिती समोर आली आहे. प्रत्यक्षात ज्या ट्रॅक्टरने रेतीची वाहतूक केली जात होती, त्यावर कोणताही क्रमांक नव्हता. यामुळे या तस्करीचे रॅकेट किती खोलवर पसरले आहे, हे स्पष्ट होत आहे.
लेखकाबद्दलसुनिल लाटेसुनिल प्रभाकर लाटे महाराष्ट्र टाइम्स ऑनलाइनमध्ये कन्सल्टंट पदावर कार्यरत आहेत. गेली तीन वर्षे पत्रकार म्हणून त्यांनी प्रत्यक्षपणे काम केलं आहे, ज्यामध्ये त्यांनी लोकसत्ता ऑनलाईनमध्ये (मुंबई) इंटर्न म्हणून पत्रकारिता सुरू केली.
मेन डेस्क
इंटर्न म्हणून रुजू झाल्यानंतर संबंधित संपादकांनी दिलेली प्रत्येक जबाबदारी काळजीपूर्वक पार पाडली. सहा महिने मेन डेस्कसाठी सर्व बीटच्या बातम्यांचे काम केले.
फोटोगॅलरी, वेबस्टोरी
तिथंच त्यांना फोटोगॅलरी आणि वेबस्टोरी या विभागात काम करण्याची संधी मिळाली. त्या संधीचे सोने करत त्यांनी अतिशय दर्जेदार काम केले. लोकसत्तामध्ये काम करताना, राजकारण, मनोरंजन, क्रीडा या विषयावर सातत्याने बातम्यांचे लिखाण केल्याने त्यातील आवड खूप वाढली.
शिक्षण
सुनिल यांनी पत्रकारितेचे शिक्षण घेतले आहे. त्यांनी बीए आणि एमएपर्यंतच शिक्षण डॉ. बाबासाहेब आंबेडकर मराठवाडा विद्यापीठाच्या पत्रकारिता विभागातून पूर्ण केले आहे. दरम्यानच्या काळात त्यांनी स्थानिक वृत्तपत्रांसाठी शैक्षणिक बीट सांभाळत बातम्या लिहल्या.
जाहिरात क्षेत्रात काम
याशिवाय सुनिल यांना फोटोग्राफी, व्हिडिओ संपादन, ग्राफिक्स डिझाइनचीही आवड आहे. या आवडीला जोपासण्यासाठी त्यांनी पत्रकारिता विभागाशी संबंधित असलेल्या जाहिरात या क्षेत्रात काम केले आहे. ही काम त्यांनी स्वतःच्या आनंदासाठी केले. ज्यातून त्यांचा मोठा जनसंपर्क वाढला. काही पैसेही मिळवता आले.
दिग्दर्शन, संगीत
कॉलेज जीवनात त्यांनी तीन लघुपट बनवले, ज्याचे कॅमेरा, पटकथा आणि दिग्दर्शनही त्यांनी स्वतःच केले आहे. त्यांना संगीत क्षेत्रातही खास रस आहे. काव्यलेखन, गीत लेखन, सादरीकरण केलेले त्यांचे व्हिडिओ युट्यूबवर व्हायरल झालेले आहेत.
पत्रकारिता क्षेत्रातील उत्कंठा, उत्साह द्विगुणित
दरम्यान, महाराष्ट्र टाइम्स ऑनलाइनमध्ये संधी मिळाल्यानंतर हायपर लोकल बातम्यांचे काम करण्याचा अनुभव मिळाला. ज्यामध्ये क्राइमसह विविध महत्वाच्या आणि मोठ्या बातम्या लिहायचेही तंत्र त्यांनी विकसित केले. मटा ऑनलाईनमध्ये काम करताना सुनिल यांची पत्रकारिता क्षेत्रातील उत्कंठा, उत्साह द्विगुणित झाला आहे, कारण इथेही सहकाऱ्यांचे सहकार्य आणि संपादकांचे, वरिष्ठांचे, शिफ्ट इन्चार्ज यांचे अनमोल मार्गदर्शन वेळोवेळी मिळत राहते. महाराष्ट्र टाइम्स ऑनलाइनने पत्रकार म्हणून घडण्याची आणखी एक खूप मोठी सुवर्णसंधी दिल्याचे सुनिल मानतात.… आणखी वाचा