रेल्वेची क्षमता वाढणार

मुंबई उपनगरीय रेल्वेची क्षमता वाढवण्यासाठी गेली अनेक वर्ष नागरिक मागण्या करत आहेत. वारंवार होणारे अपघात, दैनंदिन प्रवासाती गर्दी अशा अनेक समस्यांमुळे प्रवाशांची रखडपट्टी होते. त्यामुळे प्रवास सुरक्षित, वेगवान व आरामदायी करण्यासाठी रेल्वेकडून अनेक प्रकल्प राबवण्यात येत आहेत. या प्रकल्पांतर्गत रेल्वेच्या क्षमता वाढीवर भर देण्यात येईल अशी माहिती वैष्णव यांनी यावेळी दिली.Mumbai Local: मुंब्रा दुर्घटनेनंतर रेल्वेकडून बंद दरवाजांची लोकल, मध्य रेल्वेवर ‘नॉन-एसी’ ट्रेन लवकरच; एप्रिलमध्ये चाचणी

सध्या मध्य रेल्वेवर दोन स्वयंचलित बंद दरवाजांच्या लोकल सुरू होणार आहेत. यानंतर लोकलची ही संख्या हळूहळू वाढवण्यात येईल. तसेच, एसी लोकलची संख्याही वाढणार आहे. शिवाय सध्या मुंबई उपनगरीय रेल्वेच्या काही स्थानकांवर फलाट वाढवण्याचे काम सुरू आहे, तसेच, कोचिंग टर्मिनल उभारण्याचही काम सुरू आहे. मुंबई आणि पुण्यासह 48 शहरांतील रेल्वे मार्गांवर ही विकासकामे सुरू आहेत.

बुलेट ट्रेन प्रकल्पांनाही वेग

याशिवाय केंद्रीय अर्थसंकल्पात सात बुलेट ट्रेन कॉरिडोरचीही घोषणा झाली होती. यामध्ये मुंबई ते पुणे बुलेट ट्रेनचाही समावेश असून दोन्ही शहरांमधील प्रवासाचा वेळ 48 मिनिटांवर येणार आहे. तसेच, पुणे-हैदराबाद रेल्वेमुळे सुमारे दोन तासांत प्रवास होईल.

Mumbai News : नायगाव-दादर लोकल प्रवासात मृत्यूचा स्पष्ट पुरावा नाही, तरी प्रवाशाला भरपाई, कल्याणकारी कायद्यावर हायकोर्टाचा भर

मुंबई-अहमदाबाद बुलेट ट्रेन प्रकल्पाचं कामही वेगात सुरू आहे. ही देशातील पहिली बुलेट ट्रेन असून सध्या 300 किमी लांब मार्गावर काम सुरू आहे. 168 किमी मार्गावर रूळांचं काम पूर्ण झालं असून, 426 किमी मार्गावर खांबांचे बांधकाम सुरू आहे. नाशिक रोड आणि देवळाली या स्थानकांवर सिंहस्थ कुंभमेळ्यासाठी महत्त्वाची कामं हाती घेतली आहेत. नवे मार्ग, रोड ओव्हरब्रिज आणि अंडरपास उभारणीचं काम सुरू आहे.